ژبەر ڤی ئەگەری دو باژارێن فرەنسا ڤەخوارنێن کحولی قەدەغە کرن
ئەڤرۆ نیوز:
ل ھەردو باژارێن لیل و لێزن ل باکۆرێ فرەنسا، فرۆتنا ھەمی ڤەخوارنێن دی یێن کحولی ل رۆژا سێشه‌مب هه‌تا رۆژا چوارشه‌مب بۆ ده‌مێ بیست و چوار ده‌مژمێران ھاتنە قەدەغەکرن.
ئەڤ بریارە ژی ژ بەر خرڤەبوونا جەماوەرێ ھەلبژارتیێ تەپاپێی یێن رۆسیا و ئینگلتەرایە ل وان باژاران، کو بەری نھا شەر و پەڤچوون دناڤبەرا وان دا پەیدا ببوو و ئالۆزی ل فرەنسا پەیدا کربوون.
ھەر ئەڤرۆ فرەنسا ٤٣ ژ جەماوەرێ رۆسیا کو ئالۆزی بەری یاریێن تەپاپێی پەیدا کربوون، دەستەسەرکرن و بریار دا ژ فرەنسا بدەرێخن، د دەمەکی دا قارەمانییا یۆرۆ ٢٠١٦ ێ ل فرەنسا برێڤە دچیت.
