ژبەر ڤی ئەگەری یانا دھۆک دێ ژ قەیرانا دارایی قۆرتال بیت
ئەڤرۆ نیۆز، ھەژار مەعروف:
پشتی ئەردێ دەورۆبەرێن یانا دھۆک ل سەر ناڤێ یانا دھۆک ھاتیە تاپوکرن بۆ مڤا ژ وی ئەردی بھێتە وەرگرتن وەکو وەبەرھێنان بۆ یانا دھۆک، ل دەستپێکا ڤێ حەفتیێ چەندین بازرگانێن پارێزگەھا دھۆکێ و کوردستانێ بەرنامەیێ خوە پێشکێشی یانا دھۆک کری یە بوو ب دەستڤەئینانا وی ئەردێ یانا دھۆک بۆ دروستکرنا چەندین پرۆژا .
ژێدەرەکی نێزیک ژ دەستەیا کارگێریا یانا دھۆک د داخویانیەکێ دا بۆ ئەڤرۆ نیۆز دیارکر کارگێریا یانا دھۆک کومبوون ل گەل چەندین بازرگانێن دھۆکێ کری یە و کارگێریا یانا دھۆک چەند خال مەرج داناینە بەر ئەوان بوو دیارکری یە ھەر کەسێ ئەردێ یانا دھۆک وەربگریت پێدڤی یە ل سەر ئەوی پشکەکا باش یا پارەی پێشکێشی یانێ بکەت داکو یانە ژ قەیرانا نوکە قۆرتال بیت .
ھەمان ژێدەر ئەو چەندە ژی دیارکر دو بازرگانان بەرھەڤیا خوە دیارکری یە ھەردیسان ل سەر مەرجێن یانا دھۆک رازی بووينە .
ھەژی گوتنێ یە ژێدەرێن دەنگۆباسی ل یانا دھۆک وەسا دیاردکەن سەرۆکێ یانێ ل دووماھیی کومبوونا خوە دا ل گەل یاریکەرێن تیما خۆلا عیراقێ دیارکر بوو ل نێزیک دێ رەوشا یانا دھۆک چارەسەربیت و دێ پشکەکێ ژ ھەڤبەستێن ھەمی یاریکەران دەنێ ژبەرکو بازرگانەک دێ ئەردێ یانێ وەرگریت .
