ژبەر ھاتنا یاریزانەکی ریال دێ دەستا ژ دو یاریزانێن خوە بەردەت
ئەڤرۆ نیوز:
پشتی ل ماوێ چەند رۆژێن بوری یانا ریال مەدرید ب فەرمی ھەڤبەست ل گەل بەرەڤانێ گەنچ یێ ھەلبژارتیێ بەرازیل و یانا پورتو یا پورتوگالی ئەدیر میلیتاو ئیمزاکری ب کوژمێ ٥٠ ملیون یورۆیا دبیت ل دەستپێکا وەرزێ بھێت دەستا ژ دو بەرەڤانێن خوە بەردەت .
رۆژناما میرو یا برێتانی ئاشکراکریە پشتی یانا ریال مەدرید ھەڤبەست ل گەل میلیتاو ئیمزاکری دبیت ب رێژەیا ھەرە مەزن ئەو یانە دەستا ژ دو بەرەڤانێن خوە بەردەت ژبەرکو راھێنەرێ نوکە یێ ریال زێدان دخوازیت ل وەرزێ بھێت پشت بەستنێ ل سەر سێ بەرەڤانا بکەت وەکو یاریزانێن وی یێن سەرەکی بن ل زوربەیا یاریان ئەوژی راموس و ڤاران و میلیتاو .
ئەوێ رۆژنامێ ئاشکراکریە ژی ریال ھزر ل دەست بەردانا ھەر ئێک ژ خیسوس فاییخو وناتشو فرناندیز کریە .
ھەردیسان ئاماژە ب وێ چەندێ ژی کریە چونا فابیخو ھەتا رادەیەکێ مەزن تەکید بوویە ھەردیسان دبیت ناتشو ژی یان بمینت ئەوژی ب مەرجەکی وەکو پێگوھورێ چاری بمینت یان ژی ب شێوەیێ خواستن بدەنە یانەکا دی .
