ژنەک: ئەوێ من ب قوتیت نە ھەژی منە
ئه‌ڤرۆ نيوز:
پارێزەرەکا دادگەھا دھۆکێ راگەھاند، کو ژنەک ب سەر ھەوی چوو بوو، ئانکو یا دویێ بوو، ئەڤ ژنە بەری شوو ب ڤی زەلامی بکەت، ل باژێری دژیا بەلێ زەلام ل گوندی بوو، پشتی شوو پێ کری ئاریشە دناڤبەرا واندا پەیدا بوون، ل دووڤ گۆتنێن ژنێ، زەلام د قوتیت و ئاخفتنێن کرێت دبێژیتێ و گەلەک گرێ ل سەر سەپاندینە و دبێژیت ژی: ھزرێن مە چو جاران ناگەھنە ئێک، چونکو ئەز ل باژێرا مەزن بوویمە و ئەو ل گوندان.
پارێزەر سیپەل حەبیب ل دادگەھا دھۆکێ بۆ ئەڤرۆ دیارکر کو کو کێشەک ل دادگەھێ ھاتە تومارکرن ل دۆر ژنەک ب سەر ھەوی چوو بو ئانکو یا دویێ بو و گۆت: ئەڤ ژنە بەری شوو ب ڤی زەلامی بکەت ل باژێری دژیا، بەلێ زەلام ل گوندی بوو، پشتی شوو پێ کری ئاریشە دناڤبەرا واندا پەیدا بوون، ل دووڤ گۆتنێن ژنێ گۆت زەلام من د قوتیت و ئاخفتنێن کرێت دبێژیتە من و گەلەک گرێ ل سەر من سەپاندینە و ھزرێن من جو جاران ناگەھنە ئێک چونکو ئەز ل باژێرا مەزن بوویمە و ئەو ل گوندان، گۆتژی پشتی چەندەکێ خودێ کچەک دا ڤێ ژنێ و ھەتا شەش ھەیڤان ما ل مالا بابێ خوە، ڤێ ژنێ گۆتژی ئەڤ زەلامە چو مەزاختنا لمن و کچا من ناکەت، لەوما ئەڤ ھەموو تشتە بوونە ئەگەر ھاتە دادگەھێ و داخازا بەردانێ کر کو ئەڤ زەلامە قەسێن کرێت دبێژیتە و من دقوتیت و ئاخفتنا خوە ب دیدەڤانا سەلماند کو راست بێژیت، ئەڤ کێشە زوربەی جاران گەلەک ل دادگەھێ ڤەدکێشن ئەو ب رێککەفتنا ژن و زەلامی کو زەلام یێ ل گوندا نەشێت ھەر رۆژ بھێتە دادگەھێ ژنێ داگێران ژ چەند مافێن خوەکرن ژ وانا نافمالی و مەزاختیێن خوە و زەلام یێ بەرھەڤ یێن دیتر بۆ دابین بکەت مینا مەزاختیێن کچا خوە و مەھرێن وێ یێن پێشی و پاشیێ.
زێدەتر گۆت: ب ڤێ چەندێ ئەڤ ژنە ژ وی زەلامی ھاتە بەردان. ئەگەرێ سەرەکی یێ ئاریشێ ئەو بو کو ھزرا باژێران و گوندان وەکو ئێک نینە، ئانکو نەشیان ل گەل ئێک ب گونجن، چونکو ھەماھەنگی دناڤبەرا ژنێ و زەلامی نەبیت چەند د جوان بن، زەنگین بن، نەشێن ل گەل ئێک بژین، زەلام یێ دەڤ گازندە و گرتی بۆ و ژن و زەلام د نەخویندەوار بوون، دیسا ژیێ وان ھند د مەزن نەبوون.
