ژڤانێ بانگەشەیا ریفراندومێ هاتە دیارکرن
ئەڤرۆ نیۆز،زنار تۆڤی:
کۆمسیۆنا بلند یا سەربەخۆ یا ھەلبژارتن و راپرسیێ ل ھەرێما کوردستانێ ژڤانێن بانگەشەیا ریفراندۆما سەرخوەبوونێ و تۆمارکرنا ناڤێن لایەنێن سیاسی بۆ ھەلبژارتنێن پەرلەمان و سەرۆکاتیا ھەرێمێ دانە دیار کرن.
ئەڤرۆ کۆمسیۆنا بلند یا سەربەخۆ یا ھەلبژارتن و راپرسیێ ل ھەرێما کوردستانێ د نڤێسیەکا فەرمی دا ژڤانێ دەستپێکرن و ب دوماهی هاتنا بانگەشەیێ بۆ ریفراندۆما سەرخوەبوونا ھەرێما کوردستانێ دەستنیشان کر و دیار کر،کو دێ بانگەشە ل رۆژا سێشەمبیێ 5 ئیلۆنێ دەست پێ بکەت و ل رۆژا ئەینیێ 22 ئیلۆنێ دێ ب دوماهی ھێت و ھەر لایەنەکێ بەری رۆژا دەستنیشانکری بانگەشەیێ دەست پێ بکەت، دێ ل دووڤ پەیرەو و رێکارێن کۆمسیۆنێ روو ب روو بەرپرسیاریا یاسایی بیت.
کۆمسیۆنا ھەلبژارتنان د نڤێسینەکا دی دا لایەنێن سیاسی یێن ھەرێما کوردستانێ ئاگەھدار دکەت، کو دێ تۆمارکرنا ناڤێن قەوارەیێن سیاسی ژ بۆ ھەلبژارتنێن پەرلەمانێ کوردستانێ و سەرۆکاتیا ھەرێمێ ژ 3 ئیلۆنێ دەست پێ کەن و دێ ل 18 ئیلۆنێ ب دوماهی ھێت.
