ژڤانێ دەستپێکرنا یاریێن خولا عیراقێ ھاتە دەست نیشانکرن
ئەڤرۆ نیوز:
پشتی ھەلبژارتیێ عیراقێ قارەمانیا ئاسیا ب جە ھێلا دەمێ خوسارەت بووی ل گەل ھەلبژارتیێ قەتەر ل قوناغا ١٦ ئەوا نوکە ھەڤرکیێن وێ ل وەلاتێ ئیمارات دھێنەکرن ئێکەتیا تەپا پێ یا عیراقێ ژڤانێ یاریێن گەرا ١٤ یێن خولا عیراقێ دەست نیشانکرن.
ئێکەتیا تەپا پێ یا عیراقێ ل سەر مالپەرێ خوە یێ فەرمی دیارکریە بریارە ھەڤرکیێن گەرا ١٤ ل رۆژا ٢٨ ڤێ ھەیڤی ب دو یاریان بھێنەکرن ئەوژی دناڤبەرا حدود ل گەل ئەمانە بەغدا و جەویە ل گەل بەحری.
ھەژی گوتنێ یە ل ٢٤-١٢-٢٠١٨ ھەڤرکیێن خولا عیراقێ ھاتبوونە راوستاند ژبەر پشکداریا ھەلبژارتیێ عیراقێ د قارەمانیا کاسا ئاسیا دا کو نوکە یانا شورتە سەرکێشیا خولێ دکەت ب ٣٠ خالان و نوونەرا ئێکانە یا ھەرێما کوردستانێ یانا ھەولێر ل رێزا ٩ دھێت ب ١٦ خالان.
