ژیانا مەلا مستەفا بارزانی دێ بیتە فلمەکێ دیکومێنتاری
ئەڤرۆ نیوز ، عەلی حاجی :
ئاژانسا سیدونیا پرودەکشن یا جیھانی نوکە کار دچێکرنا فلمەکێ دیکومێنتاری دا دەربارەی ژیان و خەباتا رابەرێ کورد مەلا مستەفا یێ بارزانی دکەت و بریارە ئەڤ فلمە ب زێدەتری شەش زمانان بیت و ل ھەمی کەنالێن جیھانی بھێتە نیشان دان .
ل دور ڤی بابەتی داروین وەیس بەرپرسێ ئاژانسا سیدونیا ل روژھەلاتا ناڤین بۆ ئەڤرۆ نیوز دیار کر کو ناڤێ فلمی Die to born فلمەکێ و بەلگەنامەی و دیکومێنتاریێ تایبەتە ناڤەرۆکا فلمێ دیکومێنتاری دێ ل دور ژیان و خەباتا مەلا مستەفایێ بارزانی ددرێژاھیا خەباتا وی سەرکردەیێ مەزن دا بیت و ئەڤ فلمێ دیکومێنتاری نوکە د قووناغا چێکرنێ دایە و نوکە ل ھەولێرا پایتەخت کار د چێکرنا فلمێ دیکومێنتاری دا دھێتە کرن .
ناڤبری زێدەتر گوت : دەمێ فلمی دێ ٦٠ خولەک بیت و دێ ب شەش زمانان ھێتە وەرگێران و دبیت زێدەتر ژی بیت و کارێ وێنەگرتنا ڤی فلمی دێ ل پێنج وەلاتێن جیھانی بیت ، کارێ دەرھێنانێ ژی لوکا تروفێللێسی کری یە و ئاژانسا سیدونیا پرودەکشن یا جیھانی ب کارێ چێکرنا ڤی فلمی رابویە و دێ ل گەلەک کەنالێن جیھانی ژی ئەڤ فلمە ھێتە نیشاندان .
