ژ ئه‌ڤرۆ وێڤه ڤێ داخوازیێ ژ پشكدارێن فه‌يسبووكى نه‌كه
ئه‌ڤرۆ نیوز ، نه‌وزاد هلۆرى:
پتريا پشكدارێن تۆرێن جڤاكى تێگه‌هشتنه‌كا سنوردار يا هه‌ی و پشكه‌ك ژ بكارهێنه‌رێن تۆرێن جڤاكى ب تایبه‌تى فه‌يسبووكى داخواز ژ پشكداران دكه‌ن كو ب لایك و كومێنتان فه‌يسبووكا وى ئه‌كتیف بكه‌ن ، شاره‌زایه‌كێ بوارێ ته‌كنولوژیایێ دیاركر كو چو بنه‌مایێن زانستى بۆ ڤێ یه‌كێ نینن و ئه‌و كه‌سێن كو داخوازێ ژ پشكدارێن فه‌يسبووكى دكه‌ن بۆ ئه‌كتیفكرنێ ، ئه‌و تنێ ب لایك و كومێنتكرنا پۆستێن پشكداران دكارن پۆستان ببینن و پشكدار ژى پوستێن وى ببینن.
ئه‌ندام عومه‌ر، سه‌رۆكێ رێكخراوا تیك ئاى بۆ ته‌كنولوژیا پێزانینان دیاركر كو چو بنه‌مایێن زانستى نینن كو لایك و كومێنت فه‌يسبووكى ئه‌كتیف بكه‌ن و گۆت” گه‌له‌ك جاران ده‌مێ مرۆڤ تۆرێن جڤاكى ب تایبه‌تى فه‌يسبووكى ڤه دكه‌ت، دێ بینى ب ده‌هان پوست هاتینه به‌لاڤكرن و تێدا داخواز ژ پشكدارێن دى دهێته‌كرن كو ب لایك و كومێنتان فه‌يسبووكێ وى ئه‌كتیف بكه‌ن ، ئه‌ڤ یه‌ك تشته‌كێ بێ رامانه و چو بنه‌مایێن زانستى بۆ نینن”.
زێده‌تر گۆت” فه‌يسبووك ب چو شێوه‌یان ئه‌كتیفا خوه ژ ده‌ست ناده‌ت ، به‌لكو تنێ په‌یچ جار جار ئه‌كتیفا خوه بلند و نزم دكه‌ت و ئه‌ڤ یه‌ك ژى بۆ كارڤه‌دانێن پشكدارێن دى یێن فه‌يسبووكى دزڤریت، به‌لێ ب چو شێوه‌یان ئاكاونت ژ ئه‌كتیفبوونێ ناهێته خوار”.
ل دۆر وێ یه‌كێ ب چو شێوه‌یان مرۆڤ دكاریت پوستێن پشكدارێن دى ببینیت یان نه‌بیت ، ناڤبرى گۆت” گه‌له‌ك جاران يا هه‌ى كو تو پوستێن هه‌ڤالێن خوه نه‌بینى و ئه‌و یێن ته نه‌بینیت ، هنده‌ك جاران ژى دشیاندایه ئه‌و یێن ته ببینیت و تو یێن وى نه‌بینى ، یان ئه‌و یێن ته ببینیت تو یێن وى نه‌بینىو لایك و كومێنتكرنا پوستان ل سه‌ر پشكدارێن دى بتنێ بۆ هندێ یه كو پوست ژلایێ هه‌ردويان بهێنه دیتن، ژبه‌ركو هه‌كه تو بابه‌تێن كه‌سه‌كێ لایك و كومێنت نه‌كه‌ى تو پوستێن وى نابینى ، ئانكو ئه‌و كه‌سێن كو داخوازا لایك و كومێنتان دكه‌ن هه‌كه ئه‌و لایك و كومێنتان بۆ پشكدارێن دى بكه‌ن ئه‌و بۆ خوه ئوتوماتیكى دێ پشكدارێن فه‌يسبووكى پوستێن وى بینن”.
