ژ بەر شەری پروسا رزگارکرنا رەڤاندیان ل سووریا لاواز بوویە
ئەڤرۆ نیوز، لەزگین جوقی:
رێڤەبەری نڤیسینگەھا رزگارکرنا رەڤاندیێن ئێزدی بۆ ئەڤرۆ نیوز دیار کر کو بۆ دەمێ چەندین رۆژانە چو رەڤاندی ژ بەر شەرێ د ناڤبەرا رێکخراوا تیرۆرستێن داعش و ھەسەدێ دا ل ھەجین نەھاتینە رزگارکرن.
حسێن کورو قائێدی، رێڤەبەری نڤیسینگەھا رزگارکرنا رەڤاندیێن ئێزدی دیار کر کو شەرێ رزگارکرنا ھەجین بەر ب قووناغێن دووماھیێ یە، لێ ئەڤە چەند رۆژ دەربازبوون و چو رەڤاندیێن ئێزدی نەھاتینە رزگارکرن، چونکی ئاستەنگ د رێیێ دا ھەنە و گۆت: ” نڤیسینگەھا رزگارکرنا رەڤاندیێن ئێزدی ب ھەموو شیانێن خوە ڤە دێ یا بەردەوام بیت بۆ رزگارکرنا ھەموو رەڤاندیان ل سەر راسپاردێن نێچیرڤان بارزانی سەرۆکێ حوکمەتا ھەرێما کوردستانێ”.
ناڤھاتی خویا کر کو ھێشتا کەسوکارێن وان ل ھندەک ژ جھێن عیراق، سووریا، تورکیا و ھژمارەکا وەلاتێن دی ماینە و ب خێزانێن خوە شاد نەبووینە، ل ھەمبەر ژی کۆمەلگەھا نێڤدەولەتی و حوکمەتا عیراقێ ھەتا وی ئاستی د خەمسارن کو ئێدی ھەر ناپرسن ژی چارەنڤیسێ ب سەدان، ژن و زەلام و خوشک و زارۆیێن ئێزدی یێن کەفتینە دەستێن تیرۆرستێن داعش بەر ب چ ئاوایەکێ بەرزە ڤە چوویە.
