ژ بەر ڤی ئەگەری ھەڤژینا خوە کوشت
ئەڤرۆ نیوز:
پارێزەرەکێ دادگەھا سێمێلێ راگەھاند، کو ناکوکی و پت پتا رۆژانە دناڤبەرا ژن و مێراندا و شەرەدەڤ دگەھیتە رادێ ئەنجامدانا تاوانا ب تایبەت ئەگەر زەلام یێ بێکار بیت و ژن داخازا مەزاختنێ ژێ بکەت کو ئەڤە مافەکێ سروشتی یێ وێ و زارۆیێن وانە، گۆتژی ژ ئەنجامێ ڤی شەری زەلامی کونترولا تورەبوونا خوە نەکر و ھەڤژینا خوە ب دلەکێ رەق و بێ دلوڤانی کوشت، دادگەھا تاوانا دھۆکێ ب سزایێ ھەشت سالان حوکمکر.
پارێزەر مەناف مەحموود رەمەزان ل دادگەھا سێمێلێ بۆ ئەڤرۆ دیارکر کو روودانەکا کوشتنێ ل کومەلگەھەکا سەر ب قەزا سێمێلێ ڤە روویدا و گۆت: ژن و مێر بوون و دو زارۆیێن بچیک ھەبوون، ھەردو د نەخویندەوار بوون ناکوکی دناڤبەرا واندا ھەبوون وەکو پت پتەکا سڤک زەلامی مەزاختن ل ھەڤژینا خوە نەدکر چ کار نەدکرن، ژنێ ھەر رۆژ حەفکا وی دگرت کا پارە و تو چ مەزاختنا لمە ناکەی، ئەڤە دەسپێکا کوشتنێ بوون، گۆتژی رۆژا روودانێ وەکو ھەر رۆژ چیروکا نەکارکرنا زەلامێ خوە دووبارەکرەڤە و قەسێن نەشرین گۆتنە زەلامی و دەیکا وی و بو شەرەدەڤ دناڤبەرا واندا، بەلێ مخابن زەلامی کونترول ل سەر تورەبوونا خوە نەکر و دەستدا چەکمەچا ژوورا وا و دانا سەرێ وێ، ژن ئێکسەر کەتە عەردی و خوون ژ سەرێ وێ ھات رابوو سەر پێن خوە جارەکا دی ئێکا دی دانایێ، ژنێ بەر سینگێ وی گرت گۆتێ وەلمن نەکە وی دەست ھاڤێتە حەفکا وێ و گڤاشت ھەتا کوشتی، زەلام رابوو تەلەفونا برایێ خوەکر گۆتێ وەرە دا ژنکا من بەینە نەخۆشخانێ ئەو ب خوە ھەر ل مال یا تمام بووی، بەلێ وی ھیڤیەک ھەبوو ب چارەسەریێ یا ش ویڤە یا گێژ بووی، پاشان دختورا راپورتا پزیشکی پێ دەرئێخست دیار بوو کو توندوتیژی یا ل گەل کری و دووماھیێ یا خەندقاندی و شوونوارێن تلێن وی ل سەر حەفکا وێ دیارن. پارێزەری دیارکر ژی کو ئەڤ کەسە ھاتە دەستەسەرکرن ل دووڤ مادێ 406 یێ تاوانا کوشتنێ و ل دادگەھا تاوانا دھۆکێ ھاتە دادگەھکرن تاوانبار ل گەل مالا بابێ ژنکێ پێکھاتن بەرامبەری کوژمەکێ پارەی وانا داگێران ژ داوایا خوەکر بەلکو پیچەک حوکمێ وی کێمتر لێ بھێت، ئەو بۆ دادگەھێ مادێ قانوونی یێ 405 یێ سزایێن قانوونی دانا سەر.
زێدەتر گۆت: دادگەھێ کاودانێن وی بەرچاڤ وەرگرتن زارۆیێن وی د پچیک بوون و ل دادگەھێ ئامادە بوون و ل گەل بابێ و دکرنە گری و تاوانبار یێ پەشێمان بو و ھیڤی ژ دادگەھێ دکر دلۆڤانیێ پێ بەت، پارێزەری ل دووماھیێ ئاشکراکر کو دادگەھێ لایەنێ مرۆڤایەتیێ و دلۆڤانیێ بەرێخوەدا ڤێ کێشێ و پاشەرۆژا زارۆیان کو خێزانێ دو شەمالک تێدانە دەیک و باب دەیک چوو بلا باب ژی نەچیت داکو ئەڤ زارۆیە بێ بەھر نەبن ژ دلۆڤانییا بابێ دادگەھێ تاوانبار ب سزایێ ھەشت سالان حوکمکر.
