ژ دالکورد بێ ئومێد بوو و ھەڤبەستا یانەکا ئیرانی ئیمزاکر
ئەڤرۆ، ھەژار مەعروف:
یاریزانێ کورد و ھەلبژارتیێ ئیرانی و یانا پیکان یا ئیرانی بەختیار رەحمانی ب فەرمی ھەڤبەستا یانا زوبەھان ئەسفەھان یا ئیرانی ئیمزاکر پشتی بێ ئومێد بووی ژ چاڤەرێکرنەکا درێژا یانا دالکورد.
یاریزانی ناڤبری دداخویانیەکێ دا بۆ رۆژناما ئەڤرۆ دیارکر سێ داخوازی ژ یانێن ئیرانی بوو ھاتبوون ئەوژی تەراکتوز سازی و فولاد و زوبەھان، لێ ل دووماھیێ وی زوبەھان ھەلبژارت ژبەرکو خودانا ئێک ژ بەرنیاسترین راھێنەرانە ل سەر ئاستێ ئیرانی و ڤێ یانێ پشکداریا قارەمانیا یانێن ئاسیا ھەیە و دێ ل وێ قارەمانیێ پتر شێت خوە باشتر دیاربکەت و جارەکا دی ڤەگەریتە ھەلبژارتیێ ئیرانێ.
ھەردیسان ناڤبری دیارکر وی حەزا کرنا یاریێ ل یانا دالکورد ھەبوو، لێ ژبەر دەمێ ڤەگوھاستنان ل ئیرانێ چەند رۆژێن کێم ماینەنەچاربوو ھەڤبەستا ئێک ژ یانێن ئیرانی ئیمزا بکەت و زێدەتر دالکورد ھەتا نوکە چو بەرسڤ نەداینێ، ھەر چەندە ھەتا نوکە ژی حەزا ئیمزاکرنا ھەڤبەستا دالکورد ھەیە و ھەر دەمێ داخوازی ژێ کر دێ یێ بەرھەڤبیت خزمەتا ڤێ یانا کوردی ل ئورۆپا بکەت.
ھەژی گوتنێ یە بەختیار رەحمانی ئێک ژ بەرنیاسترین یاریزانێن کوردە ل سەر ئاستێ رۆژھەلاتا کوردستانێ و یاری ل چەندین یانێن بەرنیاس ل سەر ئاستێ وەلاتێ ئیران کرینە ئەوژی ل یانێن فولاد و ئیستقلال تەھران و تەراکتوزسازی و ھەردیسان ل یاری ل ھەلبژارتیێن پێگەھشتی و لاوان و ئولومپی و ھەلبژارتیێ ئێکێ ئیرانێ کریە
