ڤاكسين بۆ رزگاربوون ژ 13 نه‌خۆشيان دهێته بكارئينان
ئه‌ڤرۆنيوز:
بەرپرسا پشکا چاڤدێریا دایک و زارۆکان ل رێڤەبەریا کاروبارێن خۆ پاراستنا ساخلەمیێ دیارکر کو ل پارێزگەھا دھۆکێ ڤاکسین بۆ کونترولکرنا ١٣ نەساخیان دھێتە دانان ل جیھانێ ھەتا ٢٢ ملیون زارۆکان ناھێنە ڤاکسیندان ل ھەموو دونیایێ خشتێ ڤاکسیندانێ نێزیکێ ئێکە چو جوداھیا وەسا تێدا نينە.
لوما حازم بەرپرسا پشکا چاڤدیریا دایک و زارۆکان ل رێڤەبەریا کاروبارێن خۆپاراستنا ساخلەمیێ سەر ب رێڤەبەریا گشتی يا ساخلەمیا دھۆکێ ڤە بۆ نوش نيوز دیارکر کو ڤاکسین بۆ قورتالکرنا مرۆڤێ ژ مرنێ دھێتە دانان سالانە ژی دۆرێن ملیۆن مرۆڤان دمرن ژ بەر نەساخیا ئێشا زراڤ و خەندخه‌ندوك و ڤالنجا زارۆکان و سۆرک و هه‌ودانا ڤايرۆسى يا مێلاكێ و سورۆکا ئەلمانی ئەڤ جۆرێن نەساخیانن، ڤاکسین ھەیە ئەم دشێین کونترول بکەين، به‌لێ مخابن ل جیھانێ ھندەک کەس پێ دمرن ژ بەر نەدانا ڤاکسیندانان بۆ مە زۆر نەخۆشە زارۆک گیانێ خو ژ دەست بدەت ژ بەر جۆرەکێ نەساخیێ مە ل بنگەهـ و نەخۆشخانیێن خۆ ڤاکسین بۆ وێ جۆری نەساخی ھەبیت پێدڤیە ھەموو دایک و باب زارۆکێن خوە ببه‌نە نێزیکترین بنگەھێ ساخلەمیێ بۆ ڤاکسیندانێ چونکو نوکە ل پارێزگەھا دھۆکێ پتریا بنگەهـ و نەخۆشخانەیان ڤاکسیندان ھەیە ئەم دشێین زارۆک خۆ ژ مرنێ قورتال بکەن.
لوما حازم ئەو ژی دیارکر کو سەرجەمێ پێنچ زارۆکان ل ھندەک دەڤەران رەنگە دو ژی نەھێنە ڤاکسیندان ل دھۆکێ ٨١ بنگەھیێن ساخلەمیێ يێن ڤاکسیندانێ ھەنە د گەل ١٩ کەمپێن ئاواران سەرجەمێ گشتیی ل ١٠٠ بنگەھیێن ساخلەمیێ ڤاکسیندان يێن هه‌ين د گەل پێنچ نەخۆشخانەیان ڤاکسین دابینکرینە بۆ زارۆکان مەرەما مە یا سەرەکی ئەوه ھەموو زارۆک بھێنە ڤاکسیندان.
ئاشکرا کر ژى کو ل بەرێ نوکە ڤاکسین بۆ شەش نەساخیان دھاتە دان لێ پشتی سالا ٢٠٠٦ێ ڤاکسیندان بۆ 9 جۆرین نەساخیان دهێته دانان سالا ٢٠١٢ێ دو ڤاکسین ھاتینە زێدەکرن سالا ٢٠١٥ێ بوونە ١١ نەساخیی نوکە گەھشتینە ١٣ نەساخیان ئانکو ڤاکسیندان بۆ کونترولکرنا ١٣ نەساخیان دھێتە دانان نوکە ل پارێزگەھا دھۆکێ دەمێ زارۆک دھێتە سەر دونیایی د ماوی ٢٤ دەمژمیرێن دەستپێکی دا سێ جۆرین ڤاکسیندانان وەردگریت و پشتی ژیێ زارۆکێ/زارۆكى دبیتە دو ھەیڤ جارەکا دێ ڤاکسینێ وەردگریت ئەو ژی چار ڤاکسینا وەردگریت دڤى ژی دا پشتی چار ھەیڤان جارەکا دى ددانیت و پشتی شەش ھەیڤان ژی زارۆک ڤاکسیندانێ وەردگریت ھەتا سەرەدانا پێنچێ زارۆک ژیێ زارۆکێ بیتە 9 ھەیڤ ئێک جۆری ڤاکسیندانێ وەردگریت گەلەک یا گرنگ دایک و باب بزانن بەری ژیێ زارۆکێ وان بگەھيتە سالەکێ ڤان جۆرێن ڤاکسیندانان وەردگریت ژ بەر ھندی ئەم داخوازی دکەین ڤاکسیندانێ گیرۆ نەکەن چونکو ھەکە گیرۆ ببیت نەباشە.
ئاماژە دا وێ چەندێ ژی کو دەمێ ژیێ زارۆکى دبیتە سالەک سێ جارێن دێ ڤاکسینێ ددانیت ئەو ژی دەمێ ژیێ زارۆکى دبیتە سالەک و سێ ھەیڤ پێدڤیە سورکا تێکەل بدانیت و پشتی ھینگی ژی سالەک و نێڤان زارۆک ڤاکسیندانا پێنجى وەردگریت ئەو ژی پێنچ ڤاکسین پێکڤە نە و دەمێ زارۆک دچیتە قوتابخانێ ژی پێدڤیە جارەکا دى ڤاکسینێ وەربگریت ئەو گرنگيا وێ ڤاکسینێ ئەوه زارۆک بەری ژیێ ئێک سالیێ وەربگریت دەمێ ژیێ زارۆکێ دبیتە پێنچ سال ھەموو جۆرین ڤاکسیندانێ وەربگریت ئەو زارۆک گەلەک دوور بیت ژ نەساخیان پشتی ھینگی پێدڤیە کارتا ڤاکسیندانێ نەھێتە ھاڤێتن بەلکو بھێتە پاراستن چونکو وەکو ناسنامەکێ یە بۆ زارۆکى دەمێ بچتە ژ دەرڤە پرسیارا ڤاکسیندانێ دھێتە کرن کا وێ زارۆکێ چ ڤاکسین وەرگرتینە.
