ڤان دێر سار: رونالدوی باش دنیاسم و بزانە سەبارەت دەربازبوونێ چ گوت
ئەڤرۆ نیوز:
رێڤەبەرێ وەرزشی ل یانا ئەیاکس ئەمستردام یا ھولەندی و گولچیێ بەرێ یێ ھەلبژارتیێ ھولەندا و یانا مانچێستەر یوناید ڤان دێر سار د دیدارەکێ دا سەبارەت یاریا ل گەل یوڤانتوس ژ قوناغا ھەشتێ ژ قارەمانیا چامپیونیز لیگا ئورۆپا دیارکر د شیانێن ئەوان دا ھەیە ئەو ل سەر کیستێ یوڤانتوس دەربازی قوناغا پێش دووماھیێ بن کا چەوا شیان سەرکەفتنێ ل سەر ریال مەدرید توماربکەن د شیانێن ئەوان دا ھەیە وێ چەندێ ل گەل قارەمانا ئیتالیا ژی بکەن.
زێدەتر ناڤبری بوو مالپەرێ سپورت میدیاست یێ ئیتالی دیارکر راستە ئەرکێ ئەوان یێ ب سانەھی نابیت بەرامبەر یوڤانتوس لێ سەرکەفتنا ئەوان ل قوناغا کومان ل سەر بایرن میونیخ بوو پالدەرەکێ مەزن بوو ئەوان بشێن ب شێوەکێ باشتر یاری بەرامبەر ریال مەدرید بکەن و ھەردیسان دەربازبوون ل سەر کیستێ ریال نوکە بوو قوناغا ھەشتێ نوکە ھێزەکا مەزنتر دایە تیمێ ھەموو بشێن سەرکەفتنێ ل سەر یوڤانتوس توماربکەن و دەربازی پێش دووماھیێ بەن.
ل دووماھیێ ناڤبری سەبارەت رونالدوی دیارکر ئەو باش ئەوی یاریزانی ناس دکەت بەری نوکە ئەوی چار سالان یاری ل گەل رونالدوی کریە و ھەردەم بتنێ ھزر ل سەرکەفتنێ دکەت و جھێ مەترسی بوو ھەموو بەرەڤانێن جیھانێ .
