ڤه‌كۆلینه‌ك: وه‌رزشكرن ژیێ مرۆڤی درێژ ناكه‌ت
ئه‌ڤرۆنیۆز، ئه‌یاد به‌رواری
ڤه‌كۆله‌رێن زانكۆیا (یوفیاسكۆلا) یا فنله‌ندی گه‌هشتنه ئه‌نجامه‌كی كو ئه‌نجامدانا ڕاهینانێن وه‌رزشی نابنه هاریكار بۆ درێژكرنا ژیێ مرۆڤی.
ل دووڤ سایتێ (روسیا الیوم)، زانا و ڤه‌كۆله‌رێن وێ زانكۆیێ د ڤه‌كۆلینێن خوه‌دا گه‌هشتنه وێ چه‌ندێ كو درێژیا ژیێ مرۆڤی په‌یوه‌ندی ب بزاڤێن وی ڤه نینه، به‌لكو گرێدای جیناتێن وی یێن سروشتی نه.
ڤه‌كۆله‌رێن فنله‌ندی ئه‌نجامێن ڤه‌كۆلینا خوه ل گوڤارا ” Scientific Reports ” به‌لاڤكرینه و تێدا دیار دكه‌ن كو فاكته‌رێن جینی كارتێكرنێ ل درێژا ژیێ مرۆڤی دكه‌ن، نه‌كو وه‌رزش.