ڤى راهينه‌رى ريال مه‌دريد ره‌تكر
ئه‌ڤرۆنيوز:
راپۆرتێن رۆژنامه‌ڤانى ل بريتانيا، هه‌لويستێ راهينه‌ره‌كێ يانه‌كا ئينگليزى سه‌باره‌ت وه‌رگرتنا ئه‌ركێ راهينه‌ريا يانا ريال مه‌دريد يا ئيسپانى ئاشكرا كر.
رۆژناما ميره‌ر يا بريتانى به‌لاڤكر كو به‌رپرسێن يانا تۆتنهام هوتسبێرز يا ئينگليزى دپشتراستن كو راهێنه‌رێ يانێ (پۆچێتينۆ) يێ ئه‌رجه‌نتينى دێ ل وه‌رزێ بهێت ژى يێ به‌رده‌وام بيت دئه‌ركێ راهێنه‌ريا تۆتنهام دا.
رۆژناما ناڤبرى ژ زارده‌ڤێ به‌رپرسه‌كێ يانا تۆتنهام به‌لاڤكر كو راهێنه‌رێ ئه‌رجه‌نتينى حه‌زناكه‌ت ڤه‌گه‌ريته ئيسپانيا ودخوازيت ل گه‌ل تۆتنهام يێ به‌رده‌وامبيت.
وێ به‌رپرسێ يانا تۆتنهام ئاشكراكر ژى” بۆچێتينۆ ل دۆر گرێبه‌ستێن هاڤينا داهاتى بۆ تۆتنهام، ل گه‌ل به‌رپرسێن يانێ يێ ئاخڤتى، هه‌روه‌سا ل گه‌ل بريكارێن يانێ ژى دانوستاندن كرينه ل دۆر وان ياريزانێن كو دخوازيت ل هاڤينا داهاتى بينيته رێزێن تۆتنهام، ژبلى وێ چه‌ندێ ژى به‌حسێ به‌رهه‌ڤيێن وه‌رزێ داهاتى ژى يا كرى”.
رۆژناما ميره‌ر دياركر كو ب ديتنا راهێنه‌رێ تۆتنهام ئه‌ركێ وه‌رگرتنا راهێنه‌رايه‌تيا ريال مه‌دريد دده‌ڤى ده‌مى دا كاره‌كێ باش وزيره‌كانه نينه، هه‌رچه‌نده كارگيريا ريال مه‌دريد يا رژده ل سه‌ر وێ چه‌ندێ كو ل هاڤينا داهاتى ئه‌و راهێنه‌رێ ئه‌رجه‌نتينى بهێته جهێ زه‌ينه‌لدين زێدانى.
ژێده‌ره‌كى ژ تۆتنهام بۆ وێ رۆژنامێ گۆت” بۆچێتينۆ ل تۆتنهام يێ ئاسوده‌يه ب هه‌بوونا هژماره‌كا ياريكه‌رێن لاو وچاڤه‌رێى پاشه‌رۆژه‌كا باشتر دكه‌ت ل گه‌ل يانێ، ب تايبه‌تى كو تۆتنهام مژوولى دروستكرنا ياريگه‌ها خوه يا تايبه‌ته”.
