ڤيديۆ: ل خزيرانا بهێت ئه‌رد دێ ژ زڤرينێ راوه‌ستيت و ب مليۆنان مرۆڤ دێ مرن
ئه‌ڤرۆ نيوز:
گرته‌يه‌كا ڤيديۆيى يا “شوك” هوشدارى دا كو دێ هه‌ساره‌كا مه‌زن ل هه‌يڤا خزيرانا بهێت ب هه‌سارا ئه‌ردى كه‌ڤيت و ب مليۆنانا مرۆڤ دێ ژ ئه‌گه‌رێ وێ چه‌ندێ مرن و دێ بيته ئه‌گه‌رێ بيڤه‌له‌رزه‌كا گه‌له‌ك ب هێز و تسۆنامى روو ده‌ن.
مالپه‌رێ “العالم” ڤيديۆيه‌ك به‌لاڤكريه كو ژێده‌رى ڤيديۆيێ ژ مالپه‌رێ “وطن يغرد” ل ژێر ناڤونيشانێن “نه ترانه‌نه، هوشداريه‌كا ب له‌ز بۆ هه‌رسارا ئه‌ردى!” كو هه‌ساره‌ك دێ كه‌ڤيته سه‌ر كه‌نارێن “بۆرتۆريكۆ” يا گرێدايى وه‌لاتێن ئێكگرتى يێن ئه‌مريكى ل ده‌مژمێر 2ى سپێده‌هيا 23ى ته‌باخێ ب ده‌مێ ناڤخۆى.
ڤيديۆ ده‌ليڤه‌كا ب تنێ يا ژيانێ دده‌ته وان كه‌سان يێن دووڤكه‌فتيێن “عيسا پێغه‌مبه‌ر (س)” بيت، د ده‌مه‌كى دا كو ده‌سته‌لاتدار ڤێ چه‌ندێ د ئاگه‌هدارن و به‌لێ “هه‌تا نوكه بێ ده‌نگى يا هه‌لبژارتى”.
ئاخفتنكه‌رێ د ناڤا ڤيديۆيێ دا دبێژيت ب مليۆنان مرۆڤ دێ مرن ژ ئه‌نجامێ كه‌فتنا ڤێ هه‌سارا مه‌زن، ئه‌ڤه دێ بيته ئه‌گه‌ر ژى پێدڤيێن ژيانێ ژ خوارن و ڤه‌خوارنێ بۆ ماوێ 15 هه‌يڤان گه‌له‌ك ب زه‌حمه‌ت بكه‌ڤن.
زێده‌تر دبێژيت: “ژ كارتێكرنا ڤێ چه‌ندێ ئه‌رد دێ ژ زڤرينێ راوه‌ستيت بۆ ماوێ سێ رۆژان و دێ بيڤه‌له‌رزه‌كا ب 12 پلان دروست كه‌ت و دونيا هه‌موو دێ سه‌رسام بيت ب ڤێ چه‌ندێ”.
خۆيا ژى كريه كو دێ تسۆناميه‌كا مه‌زن دروست بيت ل گه‌ل هه‌وايه‌كێ ب هێز كو له‌زاتيا وى دگه‌هيته 33 ميلان د ده‌مژمێره‌كێ دا.
ل دۆر ڤێ ڤيديۆيێ ئاژانسا ناسا يا ئه‌سمانى داخۆيانيه‌ك به‌لاڤ كر و گۆت: “ئه‌ڤ پارچه ڤيديۆيه ب تنێ فێله”.
