ڤیسته‌ڤاله‌كا چیاڤانى بۆ چیاڤانێن كوردستانێ هاته ئه‌نجامدان
ئه‌ڤرۆ نیوز، نه‌وزاد هلۆرى:
ب پشكداریا 14 گروپێن چیاڤانى ، ڤیسته‌ڤالا چیاڤانى ل هه‌رێما كوردستانێ هاته ئه‌نجامدان و تێدا 250 چیاڤانێن كوردستان و بیانى پشكداربوون.
عه‌بدوللا ئیلیاس، سه‌روكێ گروپێ چیاڤانێن ئاكرێ بۆ ئه‌ڤرۆنيوز دیاركر” ب مه‌ره‌ما هه‌ڤنیاسین و لێكگورهۆرینا هزر و بیرا و به‌رچاڤكرنا سرۆشت و ژینگه‌ها كوردستانێ ، ئه‌ڤرۆ ڤیسته‌ڤاله‌كا چیاڤانى ل قه‌زا شه‌قلاوه بۆ هه‌موو گروپێن چیاڤانیێن هه‌رێمێ هاته ئه‌نجامدان).
زێده‌تر گۆت: (د ڤیسته‌ڤالێ دا 14 گروپێن چیاڤانى ل هه‌رێما كوردستانێ پشكدارببوون كو ئه‌و ژى 250 چیاڤانان بخوڤه دگرت، و ژبلى چیاڤانێن هه‌رێما كوردستانێ دهه‌مان ده‌م دا چیاڤانێن بیانى ژى پشكدارببوون)
ناڤبرى دیاركر ژى كو ڤیستیڤال ل سه‌ر چیایێ سه‌فین ل شه‌قلاوه هاته ئه‌نجامدان و تێدا ژبلى چیاڤانان، تیمێن ڤێراگه‌هشتنا بله‌ز و ساخله‌مى و به‌ره‌ڤانیا باژێرى ژى پشكداربوون داكو سلامه‌تیا چیاڤانان بپارێزن ب تایبه‌تى د ده‌ما دروستبوونا روودانێن نه‌خواستى دا.
