کامالا هاریس: ژ گونده‌كێ هندستانێ بۆ جێگرا سەرۆکێ ئەمریکا
ئەڤرۆ نیوز:
پشتى راگەهاندنا ئەنجامێن هەلبژارتنان ل ئەمریکا و سەرکەفتنا جۆ بایدنى بۆ سەرۆكاتیا وى وه‌لاتى، بۆ جارا ئێكێ د مێژوویا ئەمریکا دا ژنه‌ك دبیته جێگرا سەرۆکێ ویلایەتێن ئێکگرتى یێن ئه‌مریكا و ناڤێ وێ چوو د مێژوویێ دا.
کامالا هاریس، باپیرێن وێ خەلكێ گونده‌كێ هندستانێ نه، بابێ وێ ب ره‌گه‌ز هندییه و دایکا وێ جامایکییە، هەردو کۆچبەربووینه ئەمریکا، كامالا دبیته ئێكه‌م ژن پۆستێ جێگرا سەرۆکێ ئەمریکا وەربگریت، دناڤا ئەمریکا ژى دا چاڤێ ره‌شپیستان ل هندێیه، كو کامالایێ کاریگەری ل سەر ئیدارا ئەمریکا هەبیت و جۆداهیێ و نەژادپەرستیێ نەهێلیت، وێ ژى ئه‌ڤ چه‌نده دوپاتكریه.
چیرۆکا کامالا هاریس یا سەرنجراکێشە، باپیرێن وێ ل گوندێ تولاسندرا پورام ژیاینه، کچا دو کۆچبەرێن جامایکی و هیندییە، ئاكنجیێن گوندێ باپیرێن کامالایێ دلخۆشن ب ڤێ سەرکەفتنێ و پەیام ژى بۆ هنارتینه، وێ ژى به‌رده‌وام جه‌خت ل یه‌كسانیێ كریه دناڤبه‌را ژن و مێران و هه‌موو ئه‌مریكیان دا.
