کاندیدێ دیمۆکراتان: هەکە د هەلبژارتنان دا ب سەرکەڤم دێ ده‌ستهەلاتا ئه‌ردوگانی ب دووماهی ئینم
ئەڤرۆ نیوز:
جۆ بایدن، كاندیدێ دیمۆكراتان بۆ سه‌رۆكێ ئه‌مریكا، کو هەڤرکەکێ ب هێزە بۆ دۆنالد ترەمپی، د داخویانیه‌كا رۆژنامه‌ڤانی دا ل گه‌ل رۆژناما نیویۆرك تایمز یا ئەمریکی راگه‌هاند: هەکە ئەو د هه‌لبژارتنێن ئه‌ڤ سالە یێن سه‌رۆكاتیا ئه‌مریكا دا سەرکەفت، دێ ب هه‌موو رەنگان پشتڤه‌نیێ ل به‌رهه‌لستكارێن سه‌رۆكێ توركیا كه‌تن، دیسان دێ برێیا هه‌لبژارتنان ره‌جه‌ب ته‌یب ئه‌ردوگانی ژی ژ ده‌ستهه‌لاتا تورکیا دوور ئێخیت.
ناڤهاتی گوتیە ژی: سه‌رۆكێ نوکە یێ توركیا، چه‌ندین سیاسه‌تێن نه دجهێ خوە دا جێبه‌جێكرینه، وی ب وان کارێن خوە سه‌قامگیری و ئارامیا رۆژهه‌لاتا ناڤین ئێخستیه د مه‌ترسیێ دا.
هەروەسا جۆ بایدنی دیار کریە: هەموو لڤینێن توركیا د ده‌ریا سپی یا ناڤین دا نه دقانوونی نە و ئه‌و سیاسه‌ته ژی ئاستێ ئالوزیێن نێڤده‌وله‌تی كوورتر لێكرینه، لەوما وی سۆز دایە، دەمێ ده‌ست ب كاربیتن وه‌كو سه‌رۆكێ ئه‌مریكا، راسته‌وخۆ دێ دووماهیێ ب لڤین و پێشێلكاریێن توركیا و ئاکەپێ ئینیت”.
