کوردەک ل ئەلمانیا پێنج سەرکەفتن ب دەستخوڤە ئینان
ئەڤرۆ، کاروان باعەدری:
یاریکەرێ کوردێ ئێزدی دیاریا شەترەنجێ دا ل وەڵاتێ ئەلمَانیا پشتی ل ماوێ بوری شیای چەندین سەرکەفتنا ل دیڤ ئێک ل سەر ئاستێ قارەمانیێن ئەلمانیا دا توماربکەت و خالێن خوە د لیستەیا یاریکەرێن شەترەنجێ دا ل وەلاتێ ئەلمانیا زێدەتر لێبکەت.
یاریکەرێ ئازادی عەنتەر بەدەل بۆ رۆژناما ئەڤرۆ گۆت: من پشکداری د دو قارەمانیێن یاریا شەترەنجێ کریە ل باژیرێ لیڤەرکوزن یێ ئەلمانی کو وان خۆلا بۆ ماوەیێ سێ ھەیڤان ڤەکێشابوو .
زێدەتر گۆت : من د وێ خۆلێ دا حەفت یاری ئەنجام دان شیام د پێنج یاریا دا سەرکەفتنێ ب دەستخوڤە بینم بەرامبەر دو وەکھەڤیا و ناڤێ من چو دناڤا لیستەیا یاریکەرێن شەترەنجێ ل سەر ئاستێ ھەمی وەلاتێ ئەلمانیا و ١٧١٣ خال بومن ژبەر ئەوان سەرکەفتنا ھاتنە ھژمارتن .
زێدەتر گوت : رۆژانە راھێنان دکەم بۆ خۆلێن داھاتی داکو پتر خاڵان ب دەستخۆڤە بینم و پشکداری قارەمانیێن مەزنتر بەم ل سەر ئاستێ جیھانێ و ئورۆپا.
دھێتە زانین باشترین یاریکەر ل ئەلمانیا نێزیکی ٢٧٣٠ خالان یێن ھەین ئانکو یاریکەرێ کورد نێزیکی کێمتر ب ١٠٠٠ خالان یێ ژێ دورە .
