کولسترۆلی و پەنجەشێرا مەمکی چ ھەڤبەندی ھەیە؟
ئەو بەز و روونێ د لەشی دا دکەڤیتە سەرئێک دبیتە ئەگەرێ بەردانا ھورمۆنێ “ئەسترۆجین” ئەوێ ھاریکار بۆ وەرارا شانێن وەرمینێ، ڤەکۆلینەکێ ئاشکەرا کریە کو کولیسترۆلی ھەمان کارتێکرن ھەیە، کو کولیسترۆلێ د لەشی دا دھێتە شکاندن بۆ HC ٢٧ کو کارتێکرنا وی وەکو یا ھورمۆنێ “ئەسترۆجین” یە.
ڤەکۆلینەکا نوو ئاشکەرا کریە کو بەرھەمەکێ لاوەکی ژ کولیسترۆلی دبیتە خوراک بۆ شانێن پەنجەشێرا مەمکی و یێ ھاریکارە بۆ بەربەلاڤبوونا وان، ئەڤە ژی ئاماژەیە کو دشیان دایە دەرمانێ کێمکرنا کولیسترۆلی “ستاتین” وەکو رێیەک بۆ پاراستنێ ژ تووشبوونا پەنجەشێرا مەمکی بھێتە بکارئینان.
ڤەکۆلینێ ھەڤبەندیا قەلەویا زێدە ب پێشبینیا توشبوونا پەنجەشێرا مەمکی ئاشکەرا کریە زێدەباری ھندەک جۆرێن دیێن وەرمینا پیس وەکو پەنجەشێرا رەحمی و قولونێ.
ڤەکۆلەران ئاماژە دا وێ چەندێ کو کێمکرنا ئاستێ کولیسترۆلی د خوینێ دا ب رێیا سیستەمەکێ خوارنێ یێ ساخلەم دەلیڤا پێشڤەچوونا شانێن وەرمینێ و ب تایبەت یێن مەمکی کێم دکەت، ل دۆر بکارئینانا دەرمانێن کێمکرنا کولیسترۆلی ژی ھێشتا ڤەکۆلەر پێدڤی پتر تاقیکرنانە بۆ زانینا گرێدانا وێ و دەلیڤێن تووشبوونا پەنجەشێرا مەمکی.
