کومبونەکا ب لەز دێ ھێتە گرێدان
ئەڤرۆ:
ژێدەرەکی ژ ئێکەتیا تەپا پێ یا ناڤەندی ل عیراقێ راگەھاند کو بریارە ئەڤرۆ کومبونەکا ب لەز بھێتە گرێدان ل سەر روودانێن ھاتینە پێش د دو یاریێن خولا عیراقێ یا تەپا پێ بو یانێن پلا نایاب دا.
زێدەتر د ڤی بیاڤی دا ھەمان ژێدەر ئەو چەندە ژی دا خویاکرن د ڤێ کومبونا ب لەز و نە ئاسی یا ئێکەتیا تەپا پێ یا عیراقێ دا دێ دان و ستاندن ل سەر روودانێن د ھەردو یارێن د ناڤبەرا یانا سلێمانی و نەفت دا و دیسان د یاریا د ناڤبەرا جەویە و کارەبادا ھاتینە پێش ھێتە کرن و دێ ڤەکولین ل سەر وان بویەران ھێتە کرن یێن بوینە ئەگەرێن پەیدابون و تێکچونا ڤان ھەردو یاریان و دیسان دێ گوھداریا راپورتێن سەرپەرشتارێن ڤان ھەردو یاریان کەن پێخەمەت ب گەھشتن ب ئەنجامان و دوبارە نەبونا ڤان جورە بویەران.
دھێتە زانین د یاریکرنا د ناڤبەرا یانا سلێمانی و نەفت دا و پشتی ئێک ژ جەماوەرێ ئامادەبوی د یاریگەھێ دا ل دلخوشیا خوە دەربری ب توماربونا گولێ و ئالایێ کوردستانێ بریە د ناڤا یاریگەھێ دا بو جھێ نەرازیبونا یاریکەر و راھێنەرێ یانا نەفت و گرفت دروست کرن و شەر بو د ناڤبەرا جەماوەری و ڤان یاریکەر و راھێنەری دا مەزن بوو و دیسان د یاریا د ناڤبەرا جەویە و کارەبا جەماوەرێ یانا جەویە ھێرش کر ل سەر دادڤانێ یاریێ وەکو نە رازیبون ژ بریارێن وی.