کوڕ و بابەکى ژ ئەگەرێ غازا سوپێ گیانێ خوە ژدەست دا
ئەڤرۆ نیوز، قائید میرۆ:
ل نێزیک باژێڕێ ھەولێرێ ژ ئەگەرێ غازا سوپێ کوڕ و بابەکی گیانێ خوە ژدەستدا و پۆلیسان ژی دەست ب ڤەکۆلینێ کریە.
رائید ھۆگر عەزیز، پەیڤدارێ پۆلیسێن ھەولێرێ بۆ ئەڤرۆ نیوز دیارکر کو بەری نیڤرۆیا ئەڤرۆ ھێزێن پۆلیسان ھاتنە ئاگەھدارکرن ل دۆر ھەبوونا روودانەکا مرنێ ل کۆمەلگەھا پیرزین یا نێزیک سەنتەرێ باژێڕێ ھەولێرێ و پشتی گەھشتنا ھێزێن پۆلیسان دەرکەفت کۆڕ و بابەکی ژ ئەگەرێ غازا سوپێ گیانێ خوە ژ دەستدایە.
ناڤهاتی خویا کر کو ھێشتا بتەمامی ئەو پشتڕاست نەبووینە ژ ئەگەرێ مرنا ئەڤان کۆڕ و بابا، بەلێ ڤەکۆلین ھاتینە دەستپێکرن و وان دڤێت بزانن خێزانا ئەڤێ مالێ ل کیڤە بووینە دەمێ روودان پەیدابووی، ھەروەسا بۆچی ب تنێ کوڕ و باب بتنێ نڤستی بووینە.
