کچەکا دھۆکێ ناسناڤەکێ نیڤدەولی ب دەستخوڤە ئینا
ئەڤرۆ، محەمەد عەلی:
کچا پارێزگەھا دھۆکێ و یاریزانا یانا گارە کارین کەمال شیا ناسناڤێ قارەمانیا خانزاد یا نێڤ دەولەتی یا کلاسیکی بدەستڤە بینت، پشتی شیایی سەر ئاستێ یاریزانێن پیشەکار رێزا ئێکێ بھێت و دەلیڤا پێشڤەچوونێ بۆپلەداریێ لسەر ئاستێ جیھانێ پەیدابکەت، د ھەڤرکیێن وان دا ئەوا ل ھۆلا گرتیا یانا خانزاد ل ھەولێرا پایتەخت ب پشکداریا زێدەتر ٥٦ یاریزانێن کچ و کور ھاتیە ئەنجامدان.
لدۆر ڤێ یەکێ کارین کەمال تایبەت بۆ رۆژناما ئەڤرۆ گۆت: پێخووشحالم وەکو کچەکا پارێزگەھێ شیایی ئەو ئارمانجا من ھەیی بجھـ بینم و ناسناڤەکێ دی یێ نێڤ دەولەتی لسەر گەنجینا دەستکەڤتێن خوە زێدەکەم، پێنەڤێت وەکو کچەکا دھۆکێ ژی ناڤێ پارێزگەھا خوە ژی بلندکرییە، سەرەرایی قارەمانیەکا ب زەحمەت بوو و باشترین یاریزانێن لسەر ئاستێ کچان و کوران یێن پیشەکار پشکداربوون، بەلێ رژدی و شارەزاھی شیام دەرئەنجامێ نەھـ یاریان دا پێنچ سەرکەڤتنا، دو وەکھەڤی و دو دوراندنا تۆماربکەم و سەرێ لسیتا گشتی یا قارەمانیێ سەر ئاستێ کچان بدەستڤە بینم، ھەروەسا وەکو کچەکا ئێکانە د قارەمانیێ دا ھەڤرکیا ئاستێ کوران بکەم و رێزا شەشێ بدەستڤەبینم وەکو کچەکا شێوازێ میتۆ بدەستڤەبینم.
ھەروەسان ناڤھاتی گوت: بدەستڤەئینانا ڤێ ناسناڤی ٤٣ نمرە لسەر پلەکرنا من ل سەر ئاستێ پلەداریا جیھانێ زێدەکر و ئەڤەژی ئێک ژ ئارمانجێن من بوو کو سەر ئاستێ جیھانێ پلەیێن پێشڤە بدەستڤەبینم ژبەرکو من ناسناڤێ (C.M) یێ دەولەتی ھەیە و پێدڤی ب خالا مە ژبۆ پێشەنگیا خوە.
لدوماھیێ کارینێ دا دیارکرن کو ئەوێ باوەری ب شیانێن خوە ھەیە ل سەر ئاستێ جیھانی ژی ھەڤرکیێ بکەت و دێ ھەموو بزاڤا کەت خەونا خوە بجھـ بینت و ب ئالایێ کوردستانێ پشکداریێ بکەت.
دھێتە زانین ئەڤ قارەمانی یا باوەرپێکریە ژلایێ ئێکەتیا شەترەنجا دەولەتی و یاریێن وێ ب شێوەیێ نەھـ گەرا سیستەمێ سویسری کو ٧٥ خولەک بۆ ھەریاریزانەکی دگەل ٣٠ چرکە یێن زێدەکری دەمێ ھەر پێشکەڤتنەکێ.
