کچەکا پارێزگەھا دھۆکێ شیا سەرکەفتنا ئێکێ بۆ ھەلبژارتیێ عیراقێ د قارەمانیا ئاسیا دا توماربکەت
د قارەمانیا ئاسیا دا بتنێ کچەکا دھۆکێ ل گەل ھەلبژارتیێ عیراقێ شیا سەرکەفتنێ توماربکەت
ئەڤرۆ نیوز، ھەژار مەعروف:
کچا باژێرێ دھۆکێ و یاریکەرا ھەلبژارتیێ عیراقێ بو ژیێ کێمتر ژ ١٦ سالی کەڤوک شەعبان شیا ل گەل ھەلبژارتیێ عیراقێ وەکو یاریکەرا ئێکانا سەرکەفتنەکێ د قارەمانیا Fed Cup یا ئاسیا دا ب دەستخوڤە بینت پشتی د یاریا خوە یا چارێ دا شیا سەرکەفتنێ ل سەر یاریکەرا ھەلبژارتیێ کومبوودیا توماربکەت ٦-٢ و ٦-٣ کو د بوو سەرکەفتنا ئێکێ یا ھەلبژارتیێ عیراقێ ژ سەرجەمێ چار یاریێن بوری .
ھەلبژارتیێ عیراقێ ب سێ یاریکەرێن کچ پشکداری د قارەمانیا Fed Cup یا ئاسیا دا کری بو یاریکەرێن ژیێ ئەوان ١٦ سالی و کێمتر کو د ھەر چار یاریێن خوە دا ھەلبژارتیێ عیراقێ نەشیا سەرکەفتنێ توماربکەت بتنێ یاریکەرا باژێرێ دھۆکێ کەڤوک شەعبان شیا سەرکەفتنەکێ بۆ ھەلبژارتیێ عیراقێ د ڤێ قارەمانیێ دا توماربکەت ئەوژی د یاریا تەک دا .
ھەژی گوتنێ یە ھەڤرکیێن ڤێ قارەمانیێ ل وەلاتێ سریلانکا ھاتنە کرن ب پشکداریا ھژمارەکا ھەلبژارتیێن ئاسیا و سەروک شاندێ ھەلبژارتیێ عیراقێ سەعید خەلیل ئەندامێ ئێکەتیا عیراقێ یا تەنسا ئەردی و سەروک ئێکەتیا پارێزگەھا دھۆکێ بوو ھەردیسان راھێنەرێ کچان ژ پارێزگەھا دھۆکێ عیماد یونس بوو.
