کەرکووکێ بریارەکا مێژوویی دا
ئەڤرۆ نیۆز،زنار تۆڤی:
ئەڤرۆ سێشەمبی 29.8.2017 د کۆمبوونەکێدا جڤاتا پارێزگەها کەرکووکێ بریارەکا مێژوویی دا و ب زۆرینەیا دەنگان پەسەندکر کو ئەو دێ پشکداریێ د ریفراندۆما سەرخوەبوونا کوردستانێ دا کەن.
ئەڤرۆ جڤاتا پارێزگه‌ها كه‌ركووكێ ب پشكداریا نه‌جمه‌دین كه‌ریمی پارێزگارێ كه‌ركووكێ و پرانیا فراكسیۆنێن جڤاتێ كۆمبوو،د وێ کۆمبوونێدا نه‌جمه‌دین كه‌ریمی ب فه‌رمی داخوازا پشكداریا كه‌ركووكێ د ریفراندۆما کوردستانێ دا پیشكێشی جڤاتێ كر و پشتی خواندنێ،ئەو بریارە كه‌فته به‌ر ده‌نگێن ئه‌ندامێن جڤاتێ و ب پتریا ده‌نگان پشكداریا كه‌ركووكێ د ریفراندۆما سه‌رخوه‌بوونا كوردستانێ دا هاته په‌سه‌ند كرن.
هەروەسا د وێ كۆمبوونێ دا کو پتریا لایەنێن عه‌ره‌بی و توركومانی ژی پشكداری تێداکر،لێ بتنێ به‌ره‌یێ توركومانی و لایەنەکێ عه‌ره‌بی پشكداری تێدا نەکر،لێ پێكهاته‌یێن توركومان و عه‌ره‌بێن پشكدار د وێ كۆمبوونێ دا پشته‌ڤانیا خوه بۆ رێفراندومێ راگه‌هاند.