کەسەکێ قەچاخ هاتە دەستەسەر کرن
ئەڤرۆ نیوز، عەلی حاجی :
ئەندامەکێ لژنا بلند یا بەرهەنگاربونا ڤایروسێ کورونایێ ل زاخۆ بۆ ئەڤرۆ نیوز دیار کر وەلاتیەکێ پارێزگەها دهوکێ دخاست ب قاچاغی ب رێیا دەروازا نێڤ دەولەتی یا ئیبراهیم خەلیل بهێتە کوردستانێ بەلێ ژلایێ ئاسایشا زاخۆ ڤە هاتە دەستە سەر کرن.
زێدەتر وی ئەندامێ نەڤیایێ ناڤێ خوە ئاشکەرا بکەت گوت: (وی کەسی ب رێیا ترومبێلێن بارهەلگر دخواست ب قاچاغی ژ وەلاتێ تورکیا بهێتە دناڤ هەرێما کوردستانێ دا بەلێ ژلایێ تیمێن مە ڤە هاتە دەستە سەر کرن ژبەر کو د نوکە دا دەریێ دەروازا نێڤ دەولەتیا ئیبراهیم خەلیل ل هەمبەر رێڤینگان هاتیە دائێخستن و چو رێیەک نەمایە ب رێیا وی دەرگەهی بهێنە دناڤا کوردستانێ دا لەورا د ڤی دەمی دا زێدەتر مە رێکارێن ئەمنی توند دکرینە بەرامبەر هەر حالەتەکێ ب وی رەنگی و زێدەباری هندێ کی خالێن ئەنی دناڤ سەنتەرێ باژێرێ زاخۆ ژی دا داناینە ب مەرەما زێدەتر پێگریکرن ب رێنمایێن حکومەتا هەرێما کوردستانێ ڤە).
