کەنالێ CNN: سعودیێ و ئیمارات چەکێن ئەمریکی فرۆتينه ئه‌لقاعيده
ئه‌ڤرۆنيوز:
ل دووڤ راپۆرته‌كا تايبه‌ت يا كه‌نالێ سى ئێن ئێن يێ ئه‌مريكى، تێدا پشت به‌ستن ب هژماره‌كا مه‌ز يا وێنه وڤيديۆيان كريه، دهێته دياركرن كو پشكه‌ك ژ چه‌ك وترومبێلێن ئه‌مريكى يێن دده‌تێ گرۆپێن راديكالى دا ول ده‌مێ پێكدادانان دا يێن كه‌فتينه دده‌ستێ چه‌كدارێن حوسى ئه‌وێن ژلايێ ئيرانێ ڤه دهێنه پشته‌ڤانيكرن.
ژێده‌رێن لوكالى دداخۆيانيێن خوه دا بۆ كه‌نالێ سى ئێن ئێن، بانگه‌شا وێ چه‌ندێ كريه سعوديه وگرنگترين هه‌ڤپشكا وێ دناڤ هه‌ڤپه‌يمانيێ دا كو ئيماراته، ل يه‌مه‌نێ چه‌ك وترومبێلێن ئه‌مريكى داينه عه‌شيره‌ت وگرۆپان ل به‌رامبه‌ر بده‌ستڤه‌ئينانا پشته‌ڤانيا وان.
ل دووڤ مه‌رجێن وه‌زاره‌تا به‌رگريا ئه‌مريكى، فرۆتن وراده‌ستكرنا وان چه‌ك وته‌كنولوژيێن ئه‌مريكى ب لايه‌نه‌كێ سيێ يا قه‌ده‌غه‌يه وب راده‌ستكرنا وان كه‌ره‌ستێن له‌شكرى يێن ئه‌مريكى ب گرۆپێن توندره‌و، سعوديه وئيمارات مه‌رجێن رێككه‌فتنا خوه ل گه‌ل ئه‌مريكا پێشێل كريه.
كه‌نالێ سى ئێن ئێن به‌لاڤكر ژى، دنوكه دا وه‌زاره‌تا به‌رگريا ئه‌مريكى سه‌باره‌ت راده‌ستكرنا وان چه‌كێن ئه‌مريكى ب قاعيده وئيرانێ ژلايێ وان وه‌لاتان ڤه، ده‌ست ب ڤه‌كۆلينێ كريه.
