کەنالەکێ عەرەبی دێ یاریێن خولا کوردستانێ ڤەگوھێزیت
ئەڤرۆ نیوز:
ئێکەتیا تەپا پێ یا کوردستانێ و کەنالێ عیراقی یە سپورت نێزیکی ئێک بووینە بۆ ڤەگوھاستنا یاریێن چار گوشا زێرین یا فاست لینکا کوردستانێ پشتی کەنالێ ناڤبری داخوازی ژ ئێکەتیا تەپا پێ کری بۆ ڤەگوھاستنا یاریێن خولا کوردستانێ و ئێکەتیا تەپا پێ ژی ھەتا رادەکێ مەزن ئەڤ داخوازیا ئەوان قوبول کریە بتنێ مایە کومبوونەکێ ل گەل نوونەرێ کەنالێ عیراقی یە بکەت.
بریارە ل ڤێ حەفتیێ دا نوونەرێ کەنالێ عیراقی یە ب گەھیتە باژێرێ ھەولێری بۆ دانوستاندنان ل گەل ئێکەتیا تەپا پێ ل سەر ڤەگوھاستنا یاریێن چار گوشا زێرین .
ئێکەتیا تەپا پێ ژی وەسا دایە دیارکرن مەرەم ب ڤەگوھاستنا یاریێن خولا کوردستانێ ژلایی کەنالەکێ وەکو عیراقی یە ئەوە بۆ ھەمی عیراق ئاگاداری یاریێن خولا کوردستانێ بیت و ھەردیسان تەماشەڤانەکێ مەزن ل دەرڤەی عیراقێ ژی ھەیە ب رێیا ڤی کەنالی دێ خولا کوردستانێ پتر جەماوەرەکێ بیانی ژی ب خوڤە گریت.
