گارە تووشی خوسارەتیەکا گران بوو
ئەڤرۆ نیوز:
بەری دەمەکێ کێم تیما تەپا پێ یا گارە تووشی خوسارەتیەکا نەچاڤەرێ کری بوو ب سێ گۆلان بێ بەرامبەر ل سەر دەستێ یانا خاک د چارچوڤێ یاریێن گەرا سیێ یا کوما دویێ یا خولا ھەرێما کوردستانێ یا تەپا پێ دا.
د ڤێ یاریێ دا یاریزانێن گارە ئەو ئاستێ پێدڤی پێشکێش نەکر بشێن ھەر چوو نەبیت ب خالەکێ ژ ڤێ یاریێ ب دەرکەڤن لەورا د ئەنجامەکێ نەچاڤەرێ کری دا یانا خاک شیا مفای ژ یاریگەھا خوە وەرگریت و سێ گۆلان ل سەر یانا گارە تومار بکەت و یاریێ ب ڤی ئەنجامی د بەرژەوەندیا خوە دا ب دووماھی بینت کو دبیتە خوسارەتیا ئێکێ یانا گارە تووش دبیت پشتی وەکھەڤیەک و سەرکەفتنەکێ.
