گاز پرۆم دێ رێککەفتنا خوە ل گەل ھەرێمێ پێشڤەبەت
ئەڤرۆ نیۆز،زنار تۆڤی:
کۆمپانیا گاز پرۆم یا رووسی راگەھاند،بۆ پێشڤەبرنا رێککەفتنێن خوە ئەو دێ پێداچوونێ د گرێبەستێن خوە یێن ل گەل حوکمەتا ھەرێما کوردستانێ دا کەت.
سێرگی پێترۆڤ رێڤەبەرێ بجھئینانێ یێ رۆژھەلاتا ناڤین یێ کۆمپانیا گاز پرۆم دیارکر:نوکە ئەو گۆتووبێژان ل سەر پێشڤەبرنا مەرج و رێکارێن گرێبەستێن خوە ل گەل ھەرێما کوردستانێ دا یێن بەرھەمئینانا نەفتێ دا دکەن،هەروەسا گۆتیه ئەو گرێبەستێن نوکە ل دەمەکی دا ھاتبوونە کرن کو بھایێ نەفتێ ل بازارێن جیھانێ یێ بلند بوو.
بەری نوکە ژی ئەلکساندەر نۆڤاک وەزیرێ وزەیا رووسیا راگەھاندبوو،کو ئەو پێشبینی ناکەن ریفراندۆما ھەرێما کوردستانێ کارتێکرنەکێ ل کارێن وان ل ھەرێمێ بکەت.