گرانترين ياريكه‌رێ هێلا به‌ره‌ڤانيێ دديرۆكێ دا بنياسه
ئه‌ڤرۆنيوز:
ياريكه‌ره‌كێ هوله‌ندى بوو گرانترين ياريكه‌رێن هێلا به‌ره‌ڤانيێ دديرۆكا ته‌پا پێى دا پشتى يانا لێڤه‌رپۆل يا ئينگليزى هه‌ڤبه‌سته‌كا گران بها ل گه‌ل ئيمزاكرى.
ڤێرگل ڤان دايك، ياريكه‌رێ هوله‌ندى يێ هێلا به‌ره‌ڤانيێ ل يانا ساوسهامبتۆن يا ئينگليزى كو دژيێ 26 ساليێ دا هه‌ڤبه‌سته‌ك ب گۆژمێ 75 مليۆن جونه‌يهێن سته‌رلينى (84 مليۆن يورۆ) ل گه‌ل يانا لێڤه‌رپۆل يائينگليزى ئيمزاكر، كو دهێته‌هژمارتن مه‌زنترين هه‌ڤبه‌ستا ياريكه‌ره‌كێ هێلا به‌ره‌ڤانيێ دديرۆكێ دا.
ڤان دايك به‌رى بچته رێزێن يانا ساوسهامبتۆن، يارى بۆ يانێن گرۆنيگن يا هوله‌ندى وسيلتيك يا سكوتله‌ندى ژى كريه ودرێژيا وى دگه‌هيته 193 سم.
