گرۆپه‌كا تيرۆرستى بزاڤێن كونترۆلكرنا باژێره‌كى كر
ئه‌ڤرۆ نيوز، فاتما مزوورى:
هێزێن ئه‌منى يێن فليپينى بزاڤا كونترۆلكرنا باژێره‌كێ خوه ژ لايێ گرۆپه‌كێ چه‌كدار يێ مۆسلمانێن توندڕه‌ۆ يێن وى وه‌لاتى ڤه ژناڤبر.
فه‌رماندێ سۆپايێ فليپينى ئاشكه‌را كر كو گرۆپه‌كێ مۆسلمانێن تۆندڕه‌ۆ، هژمارا وان چل كه‌س بوون و د خواست باژێره‌كى كونترۆل بكه‌ن، به‌لێ هێزێن ئه‌منى شه‌ر ل گه‌ل وان كر و رێ ل هه‌مبه‌ر وى گرۆپى گرت.
ب گۆره‌ى ژێده‌رێن ده‌نگوباسان ئه‌ڤ گرۆپه ژ لايێ رێكخراوا تيرۆرستى يا داعش ڤه دهاته پشته‌ڤانيكرن، به‌لێ هه‌ر زوو هێزێن حوكمه‌تێ رێ ل هه‌مبه‌ر وان چه‌كدارێن مۆسلمانێن تۆندڕه‌و گرت.
جهێ ئاماژێ يه ئه‌ڤه نێزيكى پێنج هه‌يڤايه وى گرۆپى شه‌ر ل دژى حوكمه‌تا وى وه‌لاتى راگه‌هانديه و ژ ئه‌گه‌رێ شه‌ر و پێكدادانا د ناڤبه‌را هێزێن حوكمه‌تێ و وى گرۆپى دا ب سه‌دان كه‌س هاتينه كوشتن.