ئینتەرێ ئەو یانەیێن داخوازا باستۆنی دكەن بێ ئۆمێد كرن
د ڕاگەهاندنەكا فەرمی دا یانەیا ئنتەر میلان یا ئیتالی دەرگەهێ دانۆستاندنێ بەرانبەر هەر یانەیەكێ گرت ئەوێن بزاڤێن دكەن یاریزانێ هێلا بەرەڤانییا تیما وێ ئەلیساندەرۆ باستۆنی ب دەستخوەڤە بینن.د ڕاگەهاندنەكا فەرمی دا یانەیا ئنتەر میلان یا ئیتالی دەرگەهێ دانۆستاندنێ بەرانبەر هەر یانەیەكێ گرت ئەوێن بزاڤێن دكەن یاریزانێ هێلا بەرەڤانییا تیما وێ ئەلیساندەرۆ باستۆنی ب دەستخوەڤە بینن.پیێرۆ ئۆسیلیۆ ڕێڤەبەرێ یانەیا ئەنتەر میلان بۆ پەیچێ TMW گۆت: گرێبەستا باستۆنی دگەل تیما مە هەتا دووماهییا وەرزێ 2028ێ یە، هیچ ئاریشەك دگەل یانەیێ نینە بەلكو یێ كەیفخوەشە و باشترین دەم بۆرینیت، دگەل یاریزانی كۆمبووینە و بۆچوونێن مە ئێكبووینە، ئەو حەز دكەت دگەل ئینتەرێ ناسناڤان دبەت و گەلەك حەز ژ باژێرێ میلان دكەت، هەكە گرنگییەك ب باستۆنی هەبیت دڤێت ئێدی خوە زەحمەت نەدەن، چنك ودێ دگەل مە بەردەوام بیت.بۆ زانین هەر ئێك ژ یانەیێن بەرشەلۆنا یا ئسپانی، پاریس سانجێرمان یا فرەنسی و چێلسی یا ئنگلتەرایێ حەزا ئیمزاكرنا گرێبەستێ دگەل باستۆنی هەیە.
