گه‌نجه‌ك د رووبارێ خابیرى دا خه‌ندقى
ئه‌ڤرۆ نیۆز،زنار تۆڤى:
ئه‌ڤرۆ سێشه‌مبى 8/8/2017 گه‌نجه‌ك ل گه‌ل مالباتا خوه ل باژێرێ زاخۆ قه‌ستا رووبارێ خابیرى دكه‌ت ل ناڤبه‌را گوندێ رێوانێ و كۆمه‌لگه‌ها بێگۆڤا دا،لێ پشتى خوه د ئێخیته ئاڤێ د رووبارێ خابیرى دا ژ نشكه‌كێڤه بن ئاڤ دبیت و د خه‌ندقیت.
حاجى یه‌عقۆب عه‌بدولره‌حمان کەسەکێ نێزیکی وی کەسێ د ئاڤێدا خەندقی یە بۆ ئه‌ڤرۆ نیۆز دبێژیت:ل رۆژا بوری گه‌نجه‌كێ ب ناڤێ سه‌ربه‌ست یونس تاهر كو خه‌لكێ گوندێ نزدۆرێ یه یێ سەر ب ناحیا باتیفا ڤە و ل باژێرێ زاخۆ ئاكنجى یه د ژیێ 22 سالیێ دایه،ل گه‌ل خێزانا خوه هاتینه سه‌ر رووبارێ خابیرى و مالباتا وى ژى ل گه‌ل دا بوویه ب مه‌ره‌ما سه‌یرانێ،لێ پشتى ناڤهاتى خوه ئێخستیه ئاڤێ ل ده‌مژمێر 5:30 ئێڤارى د رووبارێ خابیرى دا د خه‌ندقیت و پشتى دو ده‌مژمێران مرۆڤ و كه‌سوكارێن وى شیان ته‌رمێ وى ژ ئاڤێ بینه‌ده‌ر.
ناڤهاتی گۆت ژى:شڤێدی ته‌رمێ وى گه‌نجى ل گۆرستانا زاخۆ هاتیه ڤه‌شارتن.
