گوندەکێ زاخۆ دێ بیتە ناحیە
ئەڤرۆ:
سەرۆکێ لژنا قانوونی ل جڤاتا پارێزگەھا دھۆکێ دیندار عەبدی بۆ رۆژناما ئەڤرۆ دیارکر کو خەلکێ گوندێ لێڤۆ، دیسا قائیمقامیا قەزا زاخۆ داخوازا کریە ئەڤ گوندە بیتە ناحیە، لژنا قانوونی ژی ل گەل جڤاتا پارێزگەھێ پشتەڤانیا بریارا وان کریە و ژ وەزارەتا ناڤخۆ خواستیە بریار ل سەر ناحیبوونا ڤی گوندی بێتە دان.
گۆت ژی لێڤو دێ بیتە سەنتەرێ ناحیێ و ھەتا ٣٠ گوندێن دەوروبەر دێ چنە ب سەر وێ ناحیێ ڤە، ھەروەسا دیارکر کو ھەتا ٧٠% گوندێن وێ دەڤەرێ د ئاڤانە و ب ڤێ پێنگاڤێ دێ پتر خزمەتا خەلکێ وێ دەڤەرێ ھێتە کرن و دێ پتر خەلکێ ڤان گوندان قەستا جە و وارێن خوە کەن.
