گوهۆرینێن سیاسی ل كوردستانێ بازارێ ئەرد و خانیان گەرمكریە
ئەڤرۆ نیوز ،رەمەزان هەرنی:
ل گەل سوند خوارنا سەرۆكێ هەرێما كوردستانێ و راسپاردنا سەرۆكێ حوكمەتا هەرێما كوردستانێ وه‌لاتايان ب رێژەكا بەرفرهه دەست ب كرین و فروتنا ئەرد و خانیان كریە و بازار گەرمكریە.
موتەلیب زێباری، خودانێ نڤیسنگەهەكا ئەرد و خانیایە ل ئاكرێ بۆ ئەڤرۆ نیوز گۆت : پشتی هەلبژارتن و سوند خوارنا سەرۆكێ هەرێما كوردستانێ وراسپاردنا سەرۆكێ حوكمه‌تا هه‌رێما كوردستانێ لڤینەكا باش كەفتیە بازارێ ئەرد و خانیان ل روژا گوهۆرین ل كوردستانێ دروستبۆی هەتا نوكە پتر ل دو حەفتیێن بوری وه‌لاتيان سەردانا نڤیسنگەهێ كریە بۆ وەرگرتنا بهایێ ئه‌رد و خانیان و پێشبینی دهێتە كرن ب رێژەكا باش ئەرد و خانی بهێنە فروتن.
هونەر محمەد، خودانێ نڤیسنگەها ئەرد و خانیایە بۆ ئەڤرۆ نیوز گۆت : پشتی بەربژارێن پارتی بۆ سەرۆكێ هەرێمێ و حوكمه‌تێ هاتینە دیاركرن لڤینەك دروست ببوو بەلێ پشتی سوند خوارنا سەرۆكێ هەرێما كوردستانێ و راسپاردنا سەرۆكێ حوكمه‌تێ ب تەمامی لڤین كەفتیە بازارێ كرین و فروتنێ.
