گۆرانێ دڤێت جارەکادی ڤه‌گه‌رنە به‌غدا و داخوازا هەلوەشاندنا جڤاتا سیاسی یا کوردستانێ ژی کریە
ئەڤرۆ نیۆز،زنار تۆڤی:
ئەڤە ژ مێژە حوکمه‌تا عێراقێ یا بەردەوامە ل سه‌ر بنپێكرنا مافێن دستووری یێن گه‌لێ كوردستانێ و نوکە ژی ب هەموو رەنگان یا رژدە کو ئابلۆقا ئابووری بێخیتە سەر هەرێما کوردستانێ،لێ بزاڤا گۆران داخوازا هه‌لوه‌شاندنا جڤاتا سیاسی یا كوردستانێ کریە و داخواز کریە کو جارەکادی ڤه‌گه‌رنە به‌غدا.
د راگه‌هاندنه‌كێ دا بزاڤا گۆران دیاركریه،کو ئه‌و ژ بریارا خوه یا دژایه‌تیا ریفراندۆما سه‌رخوه‌بوونا کوردستانێ لێڤه‌نه‌بووینه و د رژدن ل سەر هندێ و دبێژن ژی ده‌مێ وێ پرۆسه‌یێ نەبوو،هەروەسا دیارکریە کو پێدڤی بوو سه‌ركردایه‌تیا كوردستانێ گوهداریا پێشنیازا وان كربا و ریفراندۆم پاشخستبا.
هه‌روه‌سا گۆرانێ دیاركریه هه‌ر ژ ده‌ستپێكێ ئه‌و ل گه‌ل ریفراندۆما سه‌رخوه‌بوونا كوردستانێ نه‌بووینه و پێدڤیه هه‌رێم جاره‌كادی ڤه‌گه‌ریته به‌غدا و د چارچووڤێ د‌ستوورێ عێراقێ دا دانوستاندنان ل گه‌ل به‌غدا بكه‌ت.