گەنمێ هەرێمـێ بۆ دەرڤە ناهێتە هنارتن
دهۆك، دلۆڤان ئاكرەیی:
ئەندامەكێ ژۆرا بازرگانیا هەرێمێ دیاركر، بۆ ئەڤ سالە رێژەیەكا مەزن یا گەنمێ جۆتیاران هاتیە وەرگرتن و پێشبینی دهێتە كرن كو بگەهیتە (600) هزار تەنان و پشكەكا مەزن یا وی گەنمی ژلایێ كۆمپانیێن نافخۆ یێن هەرێمێ هاتیە وەرگرتن.
ئیبراهیم محەمەد، ئەندامێ ژۆرا بازرگانیا هەرێمێ بۆ رۆژنامەیا ئەڤرۆ گۆت: ب هەماهەنگی دناڤبەرا ژۆرا بازرگانی و رێڤەبەریێن گشتی یێن چاندنێ و دەستەیا وەبەرهێنانێ و رێڤەبەریا بازرگانیان كارەكێ باش هاتیە كرن و هەتا نوكە (250) هزار تەنێن گەنمی هاتینە وەرگرتن و پرۆسەیە یا بەردەوامە و ئەز پێشبینی دكەم بگەهیتە (600) هزار تەنان د ئەڤ سالەدا و ئەڤ چەندە بۆ جۆتیارێن هەرێمێ گەلەكا باشە و نیشانا گرنگی پێدانا حكومەتا هەرێما كوردستانێ یە ب كەرتێ چاندنێ.
هەروەسا گۆت: ئەڤ گەنمێ دهێتە وەرگرتن بۆ دەرڤەی هەرێمێ ناهێتە هنارتن و هەموو دێ بۆ كارگەهێن بەلاڤكرنا ئاری هێتە رەوانەكرن و دنوكە دا پتری ملیۆن تەنێن گەنمی ل دەف جۆتیاران ماینە و دێ (500) هەتا (600) هزار تەنان بۆ كۆمپانیێن ناڤخۆ و كارگەهێن ئالیكی بیت.
