ھاریکارێ راھێنەرێ زێرەڤانی: تیمێن کوما مە ئێک ئاستن
ئەڤرۆ نیوز:
پشتی ئەڤرۆ پشکێشانا خۆلا ھەرێما کوردستانێ یا تەپا پێ ھاتیە کێشان کو جادەیا وەرزشی وەسا دیاردکەن کوما ھەلگرا ناسناڤێ خولێ کومەکا ب سانەھی یە و ئەرکێ وی یێ ب زحمەت نابیت ل یاریێن خولێ، لێ ھاریکارێ راھێنەرێ یانا زێرەڤانی بوجونەکا دی ھەبوو دیارکر ئەو کوما ئەو کەڤتینە تێدا کومەکا ھەڤسەنگە و یانێن پشکدار زوربەیا ئەوان ئاستێ ئەوان نێزیکی ئێکن ژبەرکو شێوازی ئەڤ سالە یێ خولێ دەلیڤەیا قەرەبولکرنێ نینە بتنێ ١٢ یاری نە بەروڤاژی وەرزێن بوری.
زێدەتر غەزوان محەمەد بۆ مالپەرێ ئەڤرۆ نیوز دیارکر ئەو رێزێ ل ھەمی یانێن پشکدار دکەن و کوما ئەوان یا ب سانەھی نینە راستە ل سەر لاپەری وەکو ناڤ زوربەیا وەرزشڤانان وەسا دیاردکەن زێرەڤانی دێ ب سانەھی دەربازی قوناغا چارگۆشا زێرین بیت لێ ئەو رێزێ ل ھەمی بوجونا دگرن ژبەرکو نوکە ل کوردستانێ ئاستێ ھەمی یانا نێزیکی ئێکە و بەرۆڤاژی ھەر یانەکا یاریێ بەرامبەر تیما زێرەڤانی بکەت دڤێت خوە دیاربکەت و ئەرکێ ئەوان دبینت ژ ھەر یانەکا دی ب زحمەترە.
غەزوان محەمەد ل دووماھیێ دلخوشحالیا خوە دیارکر ل سەر بەلاڤەکرنا یانێن پارێزگەھێ ل سەر دو کۆمان ژبەرکو ھەر چار یانێن پارێزگەھێ ئاستێ ئەوان یێ باشە و دەلیڤەیا دەربازبوونێ دێ پتر ھەبیت بۆ چار گوشا زێرین.
