ھاری کێن نمرا سالا ١٩٨٧ شکاند
ئەڤرۆ:
ھێرشبەرێ ھەلبژارتیێ ئنگلتەرا و یانا توتنھام ھاری کین پشتی ل یاریا خوە یا دووماھیێ ل وەرزێ ئەڤ سالە ل گەل یانا خوە دخولا ئنگلتەرا دا شیای دو گولان بوو تیما خوە توماربکەت و سەرکێشیا تیما خوە کر بوو سەرکەفتنەکا گرنگ ل سەر یانا لیستەر سیتی ب پێنج گولان بەرامبەر چار گولان و ب تومارکرنا ئەوان ھەردو گولان ھاری کین شیا نمرا یانا توتنھام یا ژیێ وێ زێدەتر ژ ٣٠ سالان بشکێنت .
ھاری کین بوو یاریزانێ ئێکێ ل یانا توتنھام کو ل ئێک وەرز دا د ھەموو قارەمانیێن یانا ئەوان پشکدار بشێت زێدەتر ٤٠ گولان توماربکەت کو یاریزانێ بەری نوکە یێ یانا توتنھام کلێف ئەلین ل سالا ١٩٨٦-١٩٨٧ شیابوو ٣٩ گولان د ئێک وەرز دا بوو یانا توتنھام توماربکەت لێ ھاری کین شیا ڤێ نمرێ پشتی بورینا ٣١ سالان بشکێنت و ھژمارا گولێن خوە گەھاندنە ٤١ گولان ل ئێک وەرز دا .