ھزر ل چوونا خوە کریە
ئەڤرۆ نیوز،ھەژار :
یاریزانێ ھێلا ناڤینا ھەلبژارتیێ ھولەندا و یانا مانچستەر یوناید مفیس دیپای دەرگەھێ چوونا خوە ژ پێکھاتیێ یانا مانچستەر یوناید ل ڤەگوھاستنێن زفستانا ئەڤ سالە ڤەکر و دیارکر ئەو ل مێرکاتویا بھێت دێ پێکھاتیێ یانێ ب جە ھێلیت.
دیپای ئەوێ ل شەڤا بوری شیای دو گولان بۆ ھەلبژارتیێ خوە ل گەل لوکسومبورگو توماربکەت د ڤاڤارتنێن موندیالا جیھانی دا ژ ڤاڤارتنێن ئورۆپا د داخویانیەکێ دا دیپای بۆ رۆژناما دەسەن یا برێتانی دیارکریە ئەو نزانیت دێ مینت یان نە لێ ئەو یێ ھزر ل چوونا خوە کەت بۆ یانەکا دی و ئەو یێ ھەست ب باشی کەت ب ئاستێ خوە تایبەت پشتی ئەوان ھەردو گولێن شەڤا بوری بۆ ھەلبژارتیێ ھولەندا تومارکری ھەر چەندە ئەو یێ گەلەک بزاڤا کەت ل مانچستەر بمینت لێ ب ڤی رەنگی دێ یا ب زحمەت بیت ژبەرکو پشکداریا وی ل گەل یانێ گەلەک یا کێمە ژبەرکو چەند خولەکێن پشکداریا وی ل گەل یانێ تێرا وێ چەندێ ناکەت شیانێن خوە باشتر دیاربکەت.
مفیس دیپای یێ ٢٢ سالی ل وەرزێ ئەڤ سالە پشکداری ل گەل یانا مانچستەر د ھەمی قارەمانیا دا بتنێ حەفت یاریان کریە کو شەش ئەوان وەکو یاریزانەکێ پێگوھور ھاتیە دناڤ یاریگەھێ دا .
ژێدەرێن رۆژنامەڤانی ل برێتانیا داینە دیارکرن راھێنەرێ یانا ئیڤەرتون حەزا ئینانا دیپای یا ھەی کو بەری نوکە ژێ ل چەند دەزگەھێن راگەھاندنێ رونالد کومان راھێنەرێ ئیڤەرتون دیارکر بوو ئەو یێ بزاڤا ئینانا یاریزانێ مانچستەر یوناید و ھولەندا دیپای کەت ل ڤەگوھاستنێن بھێت.
