ھوزان بۆ یاریکەرێ دالکورد
ئەڤرۆ نیوز، ھەژار مەعروف:
یاریکەرێ یانا نەفت وەست و یانا زێرەڤانی یێ بەری نوکە ھوزان ئیسماعیل ب فەرمی پەیوەندی ب یانا دالکورد یا سویدی کر ئەوا پشکدار دخۆلا پلا ئێک یا وەلاتێ سوید دا.
یاریکەرێ کورد ھوزان ئیسماعیل ئەوێ بەری نوکە ل ھەلبژارتیێن عیراقێ یێ ئولومپی و لاوان کری د داخویانیەکا تایبەت دا بۆ ئەڤرۆ نیوز دیارکر پشتی ب رێیا بریکارێ وی ڤە ھاتیە پێشکێشکرن بۆ یانا دالکورد و پاش یانا دالکورد ب فەرمی داخوازی ژ ئەوی کری ێ ل وەلاتێ سوید ئامادەبیت بۆ پەیوەندی ب یانا ئەوان بکەت و نوکە راھێنانێن خوە ل گەل یانێ کەت بۆ ماوێ دو رۆژانە و ل نێزیک دێ ھەڤبەستا خوە ل گەل ڤێ یانێ ئیمزاکەت .
ناڤبری ئاماژە ب وێ چەندێ ژی بەری ئەو بەر ب وەلاتێ سوید بچیت یانا ئەھلی یا بەحرێنێ ئەوا دخۆلا پلا نایاب یا وەلاتێ بەحرێن دا یاریێ کەت ب فەرمی ھەڤبەستەک پێشکێشی وی کر بوو ژی کوژمێ یانا دالکورد زێدەتر بوو لێ ئەوی رەتکر ژبەر یانا دالکورد ژبەرکو ئەو دخوازیت خزمەتا ڤێ یانا کوردی بکەت ل ئورۆپا.
ھەژی گوتنێ یە ھوزان ئیسماعیل بەری نوکە یاریی ل گەل ھەر ئێک ژ یانێن سلێمانی و پیرس و ھەولێر و دھۆک و زاخۆ کری یە دخۆلا پلا نایاب یا عیراقێ دا ھەریسان سێ وەرزان ل دیڤ ئێک ل گەل یانا زێرەڤانی ناسناڤێ خۆلا ھەرێما کوردستانێ بری یە .
