ھوون ژ کیشک جۆرێ دایک و بابانە؟
ئه‌ڤرۆ:
مە ھەموویان یا گوە لێبووی کو ھندەک دایک و باب ھەنە زارۆیێن خوە وەکو ھێلیکۆپتەرێ دفڕینن، بەلێ ھندەک جۆرێن دیێن دایک و بابان ھەنە، دا پێکڤە لێ بنێرن کا کیشکن؟
شێوازێ پلنگان: ل پرانیا جاران دایکێن ب ڤێ شێوازی زێدەی عەدەتی دکەڤنە بەر پەروەردەکرنا زارۆیان، گەلەک کونترۆلا دەرەکی ل سەر زارۆی ھەیە ھەتا وی رادەی کو زارۆ دبنە دیڤدیڤک و چو سەربەخوەیا خوە وەرناگرن. زانا دەروونێ زارۆیان “سوبھا نارایان” دبێژیت: ھەکە ئێک ژ دایک و بابان بەردەوام ل دۆر زارۆی بزڤریت پێشبینی یا ھەی کو مێشکی زارۆی ب خۆ ب خۆ وەرارێ نەکەت، ل سالێن دەستپێکا ژیانا خوە دێ دسەرکەفتی بن، بەلێ نەشێن ل پاشەرۆژێ خوە ل گەل زەحمەتیێن ژیانێ بگونجینن. ڤەکۆلینان وەسا دیار کریە کو ئەڤ جۆرێ زارۆیان بریارا خوەیا سەربخوە نینە و ل پرانیا جاران دکەڤنە بەر تووشبوونا نەئارامیێ و خەمۆکیێ.
شێوازێ قەندیلا دەریایێ: بەرۆڤاژی پلنگان قەندیلا دەریایێ گەلەک سستاھیێ دکەت، ئەو دایک و بابێن کێم قانوون ھەین و ب شێوەکێ ئاشکرا سستاھیێ دکەن و کێم دەستھەلات ھەبیت، ل دەستپێکێ زارۆیێن وان دێ پتر باوەری بخوە ھەبیت، بەلێ بێی ھەبوونا قانوونان ئەو زارۆ وەکو تێکەلیێن جڤاکی و وەرگرتنا زانستی دێ دلاواز بن. مامۆستایەکا قوتابخانا بنەرەتی دبێژیت: ئەم بەردەوام شیرەتان ل دایک و بابان دکەین کو بەلانسا ساخلەمی بپارێزن، بەلێ وەکو مە تێئینایە دەر ئەڤ زارۆیە نە گەلەک د رێک و پێکن و پێگیریێ ب چو قانوونان ناکەن و دبیت ئەو پتر بکەڤنە بەر مەترسیا بکارئینانا ھۆشبەران و مەیی ڤەخوارنێ.
شێوازێ دۆلفینی: ئەو دایک و بابێن ل دووڤ شێوازێ دۆلفینی دچن ئەو پتر درێک و پێکن. ئەڤە شێوێ نموونەیە بۆ دایکینیێ و بابینیێ وەکو دۆلفینان، ئەڤ شێوازە یێ بنەجھە و یێ نەرمە، زارۆیێن وان دشێن ل دووڤ قانوون و رێنمایێن گونجای بچن و ئەو پتر دشێن سەربەخوەیەکا ساخلەم وەرگرن، ھەروەسا ڤان زارۆیا پتر باوەریا بخوە ھەی وەکو فێربوونا زانستی یان تێکەلیێن جڤاکی، ل دووڤ رێنمایان دچن و مەزن دبن دا ببنە بەرپرسێن ھەڤسەنگ و سەربخوە.