ھێرشبەرەکێ لیڤەرپول یێ داخوازکریە ژلایێ ڤێ یانا ئیتالی ڤە
ئەڤرۆ نیوز:
ھێرشبەرێ یانا لیڤەرپول دانیێل ستوریدگ یێ داخوازکریە ژلایێ یانا بولونیا یا ئیتالی ڤە پشتی وێ یانائیتالی ب فەرمی داخوازیەک پێشکێشی ئەوی یاریزانی کری بوو ئیمزاکرنا ھەڤبەستێ ل گەل یانا ئەوان بوو وەرزێ نوو پشتی ھەڤبەستا وی ل گەل یانا لیڤەرپول ب دووماھیی ھاتی.
مالپەرێ کاتشیو مێرکاتو یێ ئیتالی دیارکریە پشتی یانا لیڤەرپول بریار دای ھەڤبەستا ھێرشبەرێ خوە دانیێل ستوریدگ ئیمزا نەکەن ، یانا بولونیا ژی دخوازیت وێ چەندێ ب مڤا وەربگریت و وی یاریزانی ب ھەڤبەستەکا سەربەست بینتە دناڤ رێزێن یانا خوە دا .
ھەردیسان وی مالپەری دیارکریە ئەرکێ یانا بولونیا یێ ب سانەھی نابیت بوو دەستڤە ئینانا ئەوی یاریزانی ژبەرکو نوکە سێ یانێن ئنگلیزی ژی ھەڤرکیا دەستڤە ئینانا ئەوی یاریزانی دکەن ئەوژی یانێن توتنھام و ئیڤەرتون و نیوکاسل یوناید و چاڤەرێ دھێتەکرن ل ڤێ حەفتیێ ئەو یاریزان بریارا دووماھیێ ل سەر چارەنڤیسێ خوە بۆ وەرزێ نوو بدەت.
ھەژی گوتنێ یە .. ژ سالا ٢٠١٣ وەرە یاری ل یانا لیڤەرپول دکەت و پشکداری د زێدەتر ژ ١٢٠ یاریان دا کریە ل گەل وێ یانا ئنگلیزی و شیا ٥٥ گولان توماربکەت
