ھەتا ئەردوگان داخوازا لێبورینێ ژ وەلاتێ وی نە خوازیت یاریکەرێن خوە نادەتە یانێن تورکی
ئەڤرۆ نیوز:
سەروکێ یانا زەمالێک یا مسری مرتەزا مەنسور مەرجەک دانایە بەر یانەکا تورکی بۆ ب دەستڤە ئینانا یاریکەرێ تیما ئەوان یێ گەنج مستەفا فەتحی پشتی وێ یانا تورکی ب فەرمی ھەڤبەست پێشکێشی یاریکەرێ تیما زەمالێک کری.
ئەیمن عەبدولعزیز یاریکەرێ بەرێ یێ ھەلبژارتیێ مسر ئەوێ ب کاروبارێن وی یاریکەری نوکە رادبیت بۆ دەزگەھێن راگەھاندنا مسری دیارکری یە پشتی یانا گەلاتەسەرای دیڤچوونا ئاستێ یاریکەرێ مسری کری و ب فەرمی ھەڤبەست پێشکێشی وی کری ، لێ سەروکێ یانا زەمالێک ئەو ھەڤبەست رەتکريه و مەرجەک دانایە بەر ھەڤبەستا ئەوی یاریکەری ئەوژی ھەتا سەروک کومارێ تورکیا تەیب ئەردوگان داخوازا لێبورینی ژ گەلێ مسری نە خوازیت ئەو وی یاریکەری نادەتە چو یانێن خۆلا تورکیا ژبەرکو بەری نوکە سەروک کومارێ تورکیا مایتێکرنا خوە د سیاسەتا نافخوی یا وەلاتێ ئەوان کری یە.
بریکارێ وی یاریکەری ئەو چەندە ژی دیارکری یە نوکە یاریکەرێ گەنج یێ زەمالێک بوویە جھێ گرنگیا گەلەک یانێن ئورۆپی تایبەت ھەردو یانێن ئیتالی ئەنتر میلان و فیرونتینا .