ھەردو مانچستەر ھەڤرکیا یاریزانەکێ فرەنسی دکەن
ئەڤرۆ نیوز:
ھەردو یانێن مانچستەر یوناید و سیتی ھەڤرکیا ئێک دکەن بوو دەستڤە ئینانا یاریزانێ ھەلبژارتیێ فرەنسا و یانا لیون تانگی ندومبیلی بۆ ڤەگوھاستنێن بھێت.
رۆژنامەیێن ئنگلیزی دیارکرینە یانا مانچێستەر سیتی پشتی ل ماوێ بوری ب فەرمی ھەڤبەستەکا ٤٥ ملیون جینێ ئیسترلینی پێشکێشی یانا لیون کری بوو دەستڤە ئینانا ندومبیلی لێ وێ یانێ ئەو داخوازیا مان ستی رەتکری جارەکا دی یانا مانچێستەر سیتی یا ھزر ل دانوستاندنان ل گەل وێ یانێ کەت بوو دەستڤە ئینانا وی یاریزانی ل دیڤ ژێدەرێن رۆژنامەڤانی یانا مان ستی ٧٠ ملیون جینێ ئیسترلینی ئەڤ جارە بەرھەڤکرینە بوو دەستڤە ئینانا ئەوی یاریزانی کو گەلەک نێزیکی وێ داخوازیا یانا لیونە یا بەری نوکە دیارکری ھەر یانەکا بخوازیت شیانێن ڤی یاریزانی ب دەستخوڤە بینت پێدڤی یە ٧٥ ملیون پێشکێشی یانێ بکەت داکو بشێت شیانێن ئەوی یاریزانی دەستخوڤە بینت.
ژلایەکێ دیڤە رۆژناما تایمز یا ئنگلیزی دیارکریە یانا مانچێستەر یوناید ژی ھاتیە د ھەڤرکیا دەستڤە ئینانا ئەڤی یاریزانی و ئەو یانە یا بەرھەڤە کوژمەکێ مەزنتر ژ یێ یانا مان ستی بەرھەڤ بکەت بوو دەستڤە ئینانا ئەوی یاریزانی.
ھەژی گوتنێ یە تانگی ندومبیلی یێ ٢٢ سالی نوکە بوویە جھێ گرنگیا گەلەک یانێن ئورۆپی .
