ھەلبژارتیێ نوکە ژ یێ ٢٠١٤ باشترە
ئەڤرۆ:
راھێنەر و یاریزانێ بەرێ یێ ھەلبژارتیێ ئەلمانیا رودی فولر دیارکر پێکھاتیێ نوکە یێ ھەلبژارتیێ وەلاتێ وی ئەلمانیا ژ یێ سالا ٢٠١٤ باشترە ھەر چەندە سالا ٢٠١٤ شیابوو ناسناڤێ موندیالێ ب دەستخوڤە بینن لێ ئەو دبینن پێکھاتیێ نوکە چیاوازیەکا مەزنتر یا ھەی ژ یێ ٢٠١٤ و یاریزانێن نوکە ئاستێ ئەوان یێ ھونەری گەلەک باشترە ژ یێ سالا ٢٠١٤.
رودی فولر ئەوێ ژ سالا ٢٠٠٠ ھەتا ٢٠٠٤ سەرپەرشتیا راھێنەریا ھەلبژارتیێ ئەلمانیا کری ئەو چەندە ژی دیارکر دبینت ھەلبژارتیێ ئەلمانیا شیان ھەنە بشێت پاراستنا ناسناڤێ موندیالێ بکەت ھەر چەندە ئەرکێ ئەوان یێ ب سانەھی نابیت ژبەرکو ئاستێ ھەڤرکیێن ئەوێ گەلەک پێشکەڤتی یە ھەردیسان ھەر ئێک ژ ھەلبژارتیێن ئیسپانیا، فرەنسا، بەلجیکا، ئنگلتەرا و بەرازیل و ئەرژەنتین ئاستێ ئەوان ژ ٢٠١٤ باشترە لێ ئەلمانیا پێکھاتیەکێ باش ھەیە و شیان ھەنە بشێت ھەڤرکیا ئەڤان ھەلبژارتیا بکەت و پاراستنا ناسناڤێ موندیالێ بکەت.
