ھەلبژارتیێ کوردستانێ ئەڤرۆ دێ گەھیتە روسیا
ئەڤرۆ، ھەژار مەعروف:
بریارە ئەڤرۆ شاندێ ھەلبژارتیێ کوردستانێ ل دەمژمێر ١١:٠٠ سپێدی ب فروکەیەکا تایبەت ژ فروکخانەیا ھەولێرێ یا نیڤدەولی بەر ب فروکخانەیا سوشی یا روسی بچیت ب مەرەما پشکداری کرنێ د قارەمانیا کونڤیا یا ھەرێمان ئەوا بریارە ل ٢٨-٥-٢٠١٦ ھەڤرکیێن وێ دەستپێبکەن و چاڤەرێ دھێتەکرن ئەڤرۆ دەمژمێر ١٢:٤٥ دەقیقە شاندێ ھەلبژارتیێ کوردستانێ یێ تەپا پێ ب گەھیتە وەلاتێ روسیا و پاش ب ترومپێلەکا تایبەت ب باژێرێ سوشی بەر ب ھەێما ئەبخازیا بچیت.
یاریا ڤەکرنا قارەمانیێ بریارە دناڤبەرا ھەلبژارتیێ کوردستانێ و ھەلبژارتیێ ھەرێما سفیسکا یا رومانی بھێتەکرن ل دەمژمێر ٣:٠٠ ل دیڤ دەمێ کوردستانێ و یاریا دوێ ھەلبژارتیێ کوردستانێ بریارە ل ٣١-٥-٢٠١٦ ل گەل ھەلبژارتیێ کوریا ئێگرتی بکەت ل دەمژمێر ٣:٠٠ ل دیڤ دەمێ کوردستانێ.
لژنەیا قارەمانیا کونیڤا یا ٢٠١٦ ل سەر مالپەرێ خوە یێ فەرمی دیارکری یە دێ ھەمی یاریێن قارەمانیێ ب رەنگەکێ ئێکسەر ھێنە ڤەگوھاستن و کومپانیەکا مەزن یا ئورۆپی ماڤێ ڤەگوھاستنا یاریێن قارەمانیێ ب دەستخوڤە ئینای و چەند کەنالێن روسی و ئورۆپی بەرھەڤیا خوە دیارکری یە یاریێن قارەمانیێ بکرن.
