ھەلبژارتیێ کوردستانێ دێ ل گەل یانەکا دھۆکێ سوباهى یاریێ کەت
ئەڤرۆ:
خوبەرھەڤکرن بۆ قارەمانیا کونیڤا ئەوا بریارە ل ٢٨ ڤێ ھەیڤی ل وەلاتێ روسیا بھێتە کرن بریارە سوباھی ھەلبژارتیێ کوردستانێ یاریەکا ھەڤالینی ل گەل یانا گارە ل یاریگەھا ھندرین ل باژێرێ ھەولێرێ ئەنجام بدەت.
ل دور ڤێ یاریێ سەرۆکێ یانا گارە شێروان بشار بۆ رۆژناما ئەڤرۆ گوت: ماوەکێ درێژە تیما مە یا راوەستایی و مە راھێنان نە دکرن لێ ژبەر پێدڤیاتیا ھەلبژارتیێ کوردستانێ مە تیما خوە کومکریە و راھێنانان دکەین بو وێ چەندێ یاریەکێ ل گەل ھەلبژارتیێ ھەرێما کوردستانێ بکەین و مفای بگەھینینە وان.
ناڤبری زێدەتر دیارکر کو تیما وان ھەر دەمەکی د خزمەتا وەرزشا ھەرێما کوردستانێ دایە و دیارک ربو وان سەرفەرازیە بشێن خزمەتا ھەرێما کوردستانێ بکەن
ژلایێ خوڤە راھێنەرێ ھەلبژارتیێ ھەرێما کوردستاتنێ خسرۆ گورون گوت: سوپاسیا یانا گارە دکەین کو تیما خوە کومکری بو وێ چەندێ یاریەکێ ل گەل ئەنجام بدەین و ھەلویستەکێ جوانە چنکو ب راستی ھەکە ئەو نەبان مە نە دشیا چو یاریێن ھەڤالینی بکەین.
زێدەتر گوت: دڤێ یاریێ دا دێ ھەولدەین نەخشەکی جێبەجێکەین بو وێ چەندێ پێکھاتەکێ باش بو ھەلبژارتیێ خوە دەستنیشان بکەین چنکو مە زور دەم نەمایە و قارەمانی یا نێزیک دبیت.
دھێتە زانین ئەڤە دێ بیپتە یاریا دویێ یا ھەلبژارتیێ ھەرێمێ پشتی ل چار شەمبیا بوری شیای سەرکەفتنێ لسەر یانا گاز باگور توماربکەت ب گولا جاسم محەمەد حاجی
